Халқаро Пресс-клуб (ХПК)нинг навбатдаги йиғилишида маълум қилинишича, 2016-2017 ўқув йилида биринчи марта олий таълим муассасасига имтиҳон топширган абитуриентларнинг бор-йўғи 30 фоизигина юқори балл олишга муваффақ бўлган. Бу жуда паст кўрсаткич экани таъкидланди. Анжуманда қатнашган "Кун.уз" мухбири шу ҳақида хабар берди.

Шу муносабат билан 2017-2018 ўқув йилидаги ОТМларга кириш имтиҳонларининг тест саволлари структараси қайта кўриб чиқилмоқда. Бу йилги саволларнинг аниқ ва қисқа бўлиши мақсад қилинди. 

ХПК сессиясида биринчи марта тест синовидан ўтаётган абитуриентларнинг бундай паст натижалари уларнинг руҳий ҳолатига ҳам боғлиқ бўлиши мумкинлиги таъкидланди. Бу ва бошқа омилларни ҳисобга олган ҳолда, жорий йилдаги тест саволлари соддалаштирилиши маълум қилинди.