Қозоннинг «Рубин» клуби Қурбон Бердиевни янги бош мураббий сифатида эълон қилди. Бу ҳақда клуб матбуот хизматида хабар берилган.

Бердиев 8 июнь куни бир йиллик муваффақиятсиз фаолиятдан кейин ишдан бўшатилган испаниялик мутахассис Хавьер Гарсиянинг ўрнида иш бошлайди. Грасия бошчлигида қозонликлар Россия чемпионатида 9-ўринни эгаллади.

«Биз ўз штабимиз билан бирга қайтганимиздан жуда хурсандмиз. «Рубин»ва Қозон — бу бизнинг уйимиз, яна бирга ишлашдан мамнунмиз», — дейилган Бердиевнинг баёнотида.

Қозон клуби бош директори Рустам Саяхов Бердиев билан узоқ муддатли шартнома тузилиши ҳақида маълум қилган.

Ҳозирда шартнома имзоланмаган бўлсада Бердиев клубда иш бошлаган ва 10 июнь куни«Рубин» билан илк йиғинга жўнаб кетади.

Бердиев қозонликлар клубида 12 йил давомида (2001 йилдан 2013 йилгача) ишлаган ва икки марта Россия чемпиони бўлган, шунингдек Россия Кубоги ва Суперкубогида ғолиб бўлган. Кейинги йилларда у «Ростов»да фаолият кўрсатаётганди.

У билан бирга «Ростов»ни бир қатор футболчилар тарк этди.