Аксарият учувчисиз учар қурилмалар (УУҚ)нинг асосий муаммоси шундан иборатки, уларнинг муқобил парвоз вақти унчалик кўп эмас. Куплаб муҳандислар ва олимлар бу муаммони ўзларича ҳал қилишга уринишмоқда. Мана, масалан, Массачусетс технология институти тадқиқотчилари бензинда парвоз қиадиган УУҚни ҳавола қилишди. Бунда, ажабланарлиси шундаки, УУҚ беш кеча-кундуз мобайнида қўшимча заправкаларсиз парвоз қила олади. 

Умуман, бу борада рекордчи УУҚлар ҳақида гап кетганида Qinetiq компаниясининг Zephyr номли қурилмаси етакчи ҳисобланади. У 336 соат (роппа-роса икки ҳафта) муқобил парвоз қила олади. Бироқ, бу дрон бевосита қуёш энергиясига боғлиқ. Бундан ташқари, у юқори баландликларда парвоз қилишга мўлжалланган. Шу боисдан ҳам унинг қўлланиш соҳалари рўйхати бирмунча чекланади. MIT муҳандислари томонидан ишлаб чиқилган УУҚ эса кичик баландликларда уча олади, ёқилғи сифатидда одатдаги бензиндан фойдаланади. 

Унга ўрнатилган двигатель 5 от кучига эга, вазни 68 кгни ташкил этади. Қанотлари узунлиги 7,3 метр. Ҳажми ва вазни катталиги сабабли уни ҳаракатланаётган автомобиль томидан учириш талаб этилади. УУҚ ҳавога 9кггача юкни олиб чиқа олади. Бу эса, турли соҳаларда қўллашга имкон беради. Ихтирочиларнинг ўзлари УУҚ атроф-муҳитни кузатишда қўл келишини айтишмоқда. 

Дастлаб, дронга қуёш панелларини ўрнатиш режалаштирилган эди. Бироқ, бу фикрдан воз кечишди ҳамда ички ёнув двигателидан фойдаланишга қарор қилишди. Дронлар, асосан, йилнинг серқуёш вақтларида самарали бўлиб, тунги вақтларда ҳамда булутли кунларда фойдаси камроқ. Қишки вақтда ҳамда экватордан узоқ масофаларда фойдаси камроқ бўлади. Бензинда учувчи дрон прототипи май ойидаёқ терилган эди. Илк синовлар муваффақиятли ўтди. Эндиликда, тадқиқотчилар гуруҳи уни узоқ масофага учириш ҳамда вазни 68 кгдан 25 кгга тушириш вазифасини уддалашлари керак.