Ўзбекистондаги етакчи мобиль операторлари лицензия талабларини бузаётгани маълум қилинди

Ўзбекистон 09 Июнь 2017 24792
Фото: iStock

UNITEL МЧЖ (Beeline савдо маркаси) ва COSCOM МЧЖ (Ucell савдо маркаси) мобиль операторлари радиоэлектрон воситалар ва радиочастота спектридан фойдаланишни қўпол равишда бузишмоқда. Бу ҳақда Алоқа, ахборотлаштириш ва телекоммуникация технологиялари соҳасида назорат бўйича давлат инспекцияси маълум қилди.

Инспекциянинг таъкидлашича, 2017 йилнинг май ва июнь ойиларида база станциялари ва ушбу операторларнинг мобиль алоқа тармоқлари радиорелейли линиялардан фойдаланиши бўйича тартиб талаблари бузилган.  

Инспекция маълумотларига кўра, мобиль операторлар база станциялари ва радиорелейли линиялардан фойдаланишга қабул қилиб олиш акти ва радиоэлектрон воситалар ҳамда радиочастоталардан техник фойдаланиш бўйича тегишли рухсатни расмийлаштирмасдан, ноқонуний равишда тижорий мақсадларда фойдаланишган. 

Хусусан, қоидабузарликлар Тошкент, Жиззах, Сирдарё, Самарқанд, Сурхондарё ва Қашқадарё вилоятлари, шунингдек, Қорақалпоғистон Республикасида аниқланган.

Инспекциянинг эслатишича, операторлар “норматив-ҳуқуқий актлар ва лицензия келишувлари талабларини тизимли равишда ҳамда қўпол бузишлари, шунингдек, кўрсатилаётган мобиль алоқа хизматлари сифати кўрсаткичлари пасайгани учун” огоҳлантирилган ва маъмурий жавобгарликка тортилган.

Инспекциянинг маълум қилишича, COSCOM МЧЖ ва UNITEL МЧЖ Ўзбекистон Республикаси ахборот технологиялари ва коммуникацияларини ривожлантириш Вазирлиги томонидан тақдим этилган ҳаракатланувчи радиотелефон (уяли) алоқа тармоқларини лойиҳалаштириш, қуриш, фойдаланиш ва хизмат кўрсатиш бўйича фаолият билан шуғулланишга ҳуқуқ берувчи лицензия келишуви (лицензия), шунингдек, Ўзбекистон Республикаси норматив-ҳуқуқий актлар талабларини тизимли равишда ва қўпол бузишмоқда.

Шуни таъкидлаб ўтиш жоизки, «UNITEL» МЧЖ ва «COSCOM» МЧЖ операторлари абонентларидан келиб тушаётган шикоятларнинг ҳар куни кўпайиб бораётгани операторлар томонидан мобиль алоқа хизматлари тақдим этиш сифатининг ёмонлашганини кўрсатади, яъни, абонент ташаббусисиз суҳбатнинг узилиб қолиши ёки мобиль алоқа тармоғи сигналининг йўқолиши.

«Шу тариқа норматив-ҳуқуқий актлар ва лицензия келишуви талаблари тизимли равишда бузилишига йўл қўйилмоқда, бу эса таъсирчан чоралар кўриш учун хавотирли сигналдир», - дея таъкидлайди инспекция.

Идоранинг эслатишича, телекоммуникациялар соҳасидаги фаолиятни лицензиялаш тўғрисидаги низомга кўра, лицензиат томонидан лицензия талаблари ва шартлари тизимли равишда ёки бир бора қўпол равишда бузилса, лицензия ҳаракати тўхтатилади.

Инспекциянинг маълум қилишича, операторларга Ўзбекистон Республикаси норматив-ҳуқуқий актлари талабларига қатъий риоя этишни таъминлаш ва лицензия келишуви шартларини бажариш бўйича кўрсатма берди ва берилган кўрсатмалар бажарилмаса, лицензия фаолиятига нисбатан тегишли чоралар кўрилиши ҳақида билдиришнома юборди.

Кун янгиликлари
Хорижга чиқиш учун биометрик паспортнинг амал қилиш муддати неча йил бўлади? 
12:01 / 17.08.2017 46495 Ўзбекистон
Parus оилавий марказида хоррор-квестлар, лазерли отишма ўйини ва бошқа янгиликлар тайёрланди. Марҳамат
10:14 / 17.08.2017 7288 Lifestyle
Давлат ва ОАВ: Ахборот майдонида монополияга чек қўйиш вақти келди
22:00 / 16.08.2017 18579 Ўзбекистон
Тошкент вилояти прокуратураси расмий сайти ишга туширилди
Президент Бекободга Олмалиқ билан мусобақалашишни таклиф қилди
Махсус сиртқи бўлимда ўқиш учун қабул қандай кечади?
“Ўзбекистон ҳаво йўллари” Boeing 767 Full-flight симуляторини ишга туширди
Тожикистон 2020 йилда электр энергияси экспортидан 120 миллион доллар фойда қилмоқчи
Инсон ҳуқуқлари бўйича вакил сайёр қабулларни амалга ошириши режалаштирилмоқда
Ўзбекистонда 2017 йилда қишлоқ жойларда уй-жойлар қурилишига 2,12 трлн сўм йўналтирилади
Кўпроқ янгиликлар