Назарбоев ШҲТ қандай ташкил топганини эслади

Жаҳон 09 Июнь 2017 19004
Фото: Tengrinews.kz

Остона шаҳрида Шанхай ҳамкорлик ташкилотига аъзо давлатлар етакчилари Кенгаши йиғилиши бўлиб ўтмоқда. 

Tengrinews.kz’нинг хабар беришича, Қозоғистон президенти Нурсултон Назарбоев ШҲТ қандай ташкил этилганини хотирлаб ўтган. Жорий йилда ташкилотга 16 йил тўлади.

"Бундай пайтларда беш давлат Хитой Халқ Республикаси билан чегаралар муаммосини ҳал этгани билан боғлиқ ҳолат ёдга тушади. Хитойнинг ўша пайтдаги раиси Цзян Цзэминь билан иккимиз эдик, мен таклиф қилдим – келинг чегараларни имзолагандан сўнг тарқалмаймиз, балки иқтисодий ҳамкорликни ташкил этамиз. ШҲТ шу тарзда пайдо бўлди", - деди Назарбоев.

"Ташкилот ўша вақтдан бери халқаро ҳамжамият томонидан тан олинди, кўп соҳали ҳамкорликнинг самарали майдончасига айланди. Минтақада хавфсизликни мустаҳкамлаш, иқтисодий ҳамкорликни чуқурлаштириш, давлатларимиз ўртасида маданий-гуманитар алоқаларни кенгайтириш бўйича катта ишлар қилинди", - дея йиғилиш иштирокчиларига мурожаат қилди Қозоғистон раҳбари.

Унинг таъкидлашича, Остонадаги ушбу саммит ШҲТ тарихида янги саҳифани очмоқда.

"Ушбу йиғилиш олти томонлама шаклда сўнгги бор ўтмоқда. Биз бугун ШҲТга Ҳиндистон ва Покистонни қабул қилиш жараёнининг якунланиши ва уларга аъзолик мақомини тақдим этиш бўйича қарорни имзолашга келишиб олдик. Янги аъзоларнинг қабул қилиниши ташкилотнинг ривожига кучли туртки беради, унинг халқаро нуфузини оширишга хизмат қилади", - деди Назарбоев.

"Алоҳида эътибор янги чақириқлардан ўтиш, барқарорлик ва хавфсизлик таҳдидлари масалаларига берилмоқда. Хусусан, ушбу саммит доирасида халқаро терроризмга биргаликда курашиш бўйича баёнот қабул қилиниши, шунингдек, экстремизга қарши курашиш бўйича Конвенцияни имзолаш режалаштирилган. БУ ШҲТнинг ушбу глобал ёвузлик билан курашга қўшган ҳиссаси бўлади", - дея қайд этган Нурсултон Назарбоев.

Кун янгиликлари
Соч тўкилиши нега ёшариб кетмоқда – мутахассис жавоб беради
10:01 54039 Жамият
Олти йил фалажликда: фарғоналик она қисмати аслида қандай бўлган эди?
15:46 / 15.08.2017 65771 Жамият
Президентнинг тўйлар ҳақидаги сўзлари яна нотўғри талқин қилинди
15:15 / 15.08.2017 161519 Жамият
Тошкентдаги янги халқаро мактаб ва болалар боғчасига қабул эълон қилинди
11:17 / 15.08.2017 27105 Жамият
Россияда террорчилар учун асосий нишон нима экани айтилди
18:26 1124 Жаҳон
Сурия АҚШ ва Британияни террорчиларга заҳарли моддаларни етказиб беришда айблади
18:24 283 Жаҳон
Самарқандда Ислом Каримов ҳайкали ўрнатилди
Самарқандда ногиронлик нафақасига чиқариш учун 300 доллар сўраган шифокор ўз уйида қўлга олинди
18:11 989 Жамият
Бизнес-омбудсман президент девонида жойлаштирилади
Араблараро урушлар: замонавий дунёда араб мамлакатлари ўртасида бўлиб ўтган бешта йирик қуролли тўқнашув
18:09 1519 Жаҳон
Кўпроқ янгиликлар