Рейтинг: Дунёнинг энг нуфузли олийгоҳлари

Lifestyle 09 Июнь 2017 25190

Top-Universities дунёнинг энг нуфузли олийгоҳлари рейтингини тақдим этди. Унга кўра етакчи ўринлар одатдагидек Буюк Британия ва АҚШ университетлари томонидан банд этилди. 

Дунёнинг энг нуфузли олийгоҳи олий мақоми Буюк Британиянинг Оксфорд университетига насиб этди. Иккинчи ўринда Кэмбриж университети номи қайд этилди. Учинчи ўринни эса АҚШнинг Ҳарвард университети эгаллади. 

Тўртинчи ўриндан тўққизинчи ўрингача бўлган поғоналарда Америка олийгоҳлари кетма-кетлиги келади - Калифорния университети (Беркли бўлими), Стэнфорд, Йель, Принстон, Колумбия, Калифорния (Лос-Анжелес бўлими) университетлари. Ўнлик Австралия Миллий университети билан тугалланган. 

Осиё мамлакатлари орасида Япониянинг Токио университети етакчилик қилмоқда - 11-ўрин. Ундан кейинги ўринларда Ҳонгконг (13) ва Пекин (23) университетлари қайд этилган. 

Шунингдек рўйхатдан Россиянинг 24 та, Украинанинг 6 та олийгоҳи ўрин олган. Таъкидлаш жоизки, топ-500 рейтингида Ўзбекистон университетлари номи келтирилмаган. 

Кўпроқ янгиликлар