Шавкат Мирзиёев: «Бузғунчи кучлар ахборот технологияларидан янада кенгроқ фойдаланмоқда»

Ўзбекистон 09 Июнь 2017 8960
Фото: Қирғизистон президенти матбуот хизмати

Ўзбекистон президенти Шавкат Мирзиёев Остонадаги ШҲТ саммити йиғилишида чиқиш қилди. У ШҲТ Минтақавий аксилтеррор тузилмасининг фаолияти ва ваколатларини кенгайтиришни таклиф қилган.

«Бугунги кунда халқаро террорчи гуруҳлар ва бузғунчи кучлар ўз фаолиятида ахборот технологияларини янада кенгроқ қўлламоқда ва бу орқали ёвуз ғояларини ёйиб, ёшларимиз онгини заҳарламоқда», — деган Ўзбекистон раҳбари.

У ШҲТ Минтақавий аксилтеррор тузилмасига глобал ахборот майдонида юзага келадиган таҳдидлар мониторинги ва уларга қарши курашиш ваколатларини беришни таклиф қилди.

Шавкат Мирзиёев шунингдек, ўсиб келаётган ёш авлод турли бузғунчи ғоялар ва радикал гуруҳларга қўшилиб кетиши олдини олишнинг аниқ чораларини қўллаш аҳамияти ҳақида гапирган.

«Асосий эътиборни маърифатга, ёшларнинг маънавий ва ахлоқий тарбиясига қаратиш, уларда билим ва ўз устида ишлашга интилишни шакллантириш муҳим деб ҳисоблаймиз», — деган Ўзбекистон президенти.

«Исломнинг ҳақиқий қадриятлари, ҳамиша эзгуликка, яхшилик ва тинчликка чорловчи қадриятларини кенг тушунтириш ва тарғиб қилиш муҳимдир.

Ёшларни турли ёт ғоялардан асраш, уларнинг замонавий таълим-тарбия олиши, комил инсон бўлиб вояга етишида давлатлараро ҳамкорликнинг аҳамияти катта. 

Самарқанд шаҳрида Ислом ҳамкорлик ташкилоти кўмагида Имом Бухорий халқаро илмий-тадқиқот марказининг ташкил этилиши миллатлараро, маданиятлараро муносабатларни мустаҳкамлашда муҳим қадам бўлади», деган давлат раҳбари. 

Президент ушбу марказ иши конфессиялараро, миллатлараро ва маданий мулоқотга ёрдам бериши мумкинлиги, марказ ишида ШҲТ мамлакатлари диний давралари фаол иштирок этишига умид билдирилаётгани хусусида қўшимча қилган.

Кун янгиликлари
Фарғона вилояти ҳокими Сўх тумани, уй-жой муаммоси, табиий газ ва аҳолининг бошқа муаммолари ҳақида (видео)
20:30 / 21.08.2017 28042 Жамият
Artel Technical School «Келажак мактаби» ўқув нархларини пасайтирмоқда!
20:02 / 21.08.2017 14934 Жамият
Ногиронлик ва мазлумлик исканжасида: бир аёл яхшилар саховатидан умидвор 
15:55 / 18.08.2017 56040 Жамият
«Ўзбекистон ҳаво йўллари» Украина банки сабаб ярим миллион долларсиз қолди
Пекин Вашингтонни Хитой компанияларга қарши санкцияларни бекор қилишга чақирди
00:40 663 Жаҳон
Reuters: АҚШ Мисрга ҳарбий ёрдам бермайдиган бўлди
00:34 644 Жаҳон
Эндиликда бутун маҳалла эмас, фақат қарздор истеъмолчи электр энергиядан маҳрум қилинади
00:23 2427 Жамият
Германияда Трамп боши шаклидаги гиёҳванд моддали таблеткалар аниқланди
00:21 655 Жаҳон
Сербия Ҳиндистон ва Эрон фуқаролари учун визани бекор қилди
00:18 644 Жаҳон
Суриянинг Хама вилоятига ҳаводан зарба берилиши оқибатида 50 киши ҳалок бўлди
00:06 876 Жаҳон
Кўпроқ янгиликлар