Буюк Британия консерватив партияси 8 июнь куни бўлиб ўтган навбатдан ташқари парламент сайловларида мағлубиятга учради. 650та сайлов округларидан 633тасида овозлар саналганидан кейинги натижалар шундай дейишга асос бўлмоқда, деб хабар қилмоқда ТАСС агентлиги. 

Бош вазир Тереза Мэй партияси айни вақтда 308 депутатлик мандатини кафолатлаган. Ҳозиргача, 17та сайлов округида овоз бериш натижалари эълон қилинмаган. Бироқ, уларнинг барчасида бош вазир партияси ғалаба қозонган тақдирда ҳам улар парламентда мутлақ устунликни ва ҳукуматни мустақил тарзда шукллантиришга ҳуқуқ берадиган 326 ўринга эга бўла олмайди. 

Бу вазият "осилган парламент" деб аталади ва коалиция ҳукуматини ташкил этиш учун музокаралар олиб боришни талаб қилади. Ҳукуматни шакллантиришнинг бошқа бир йўл шуки, камчилик ҳукуматини тузишдир. Бироқ, у беқарор бўлиши эҳтимол. Таъкидланишича, бу Иккинчи жаҳон уруши тугаганидан кейинги учинчи ва сўнгги икки йилдаги иккинчи "осилган парламент"дир. 

Таҳлилчилар, сайлов натижаларини бош вазир учун фожиали деб аташмоқда. Тереза Мэй шу йилнинг апрель ойида навбатдан ташқари сайловлар ўтказишга қарор қилганида, ЕИ таркибидан чиқиш бўйича мураккаб музокаралар аввалида партиясининг парламентдаги ўрнини мустаҳкамлашни ният қилган эди. Музокаралар 19 июнда бошланииши керак. Эндиликда, мухолифатдаги лейбористлар ҳамда консерваторлар партиясининг ўзида ҳам бош вазирнинг истеъфога чиқиши ҳақида чақириқлар янграмоқда. 

9 июнь куни якуний натижалар эълон қилинганидан сўнг, Мэй мурожаат қилиши керак. Айнан шундан сўнг, унинг сиёсий тақдирига ойдинлик киритилади.