08:02 / 09.06.2017
15217

To‘rt arab davlati terrorchilik ro‘yxatlariga bir nechta tashkilotlarni kiritdi

Foto: Reuters

Saudiya Arabistoni, BAA, Misr va Bahrayn terrorchilikni moliyalashtirish va Qatardan ko‘mak olganlik uchun 59 kishi va 12 ta tashkilotni terrorchilik ro‘yxatlariga kiritdilar.

Ro‘yxatga asosan Qatar va Misr fuqarolari kiritilgan. Ular orasida yirik tadbirkorlar va siyosatchilar, jumladan Qatar qirollik sulolasining vakili va sobiq bosh vazir Abdulloh bin Halifa Ol Soniy, Musulmon ulamolari xalqaro ittifoqi prezidenti va "Musulmon birodarlar" harakati yetakchisi Abdulloh Yusuf al-Kardaviy ham bor.

Shuningdek, ro‘yxatga Qatar, Liviya va Bahraynda ishlovchi tashkilotlar kiritilgan. Ular orasida Apple kompaniyasining Dohadagi bo‘limi hamda bir qator xayriya tashkilotlari bor.

Saudiya Arabistoni, Bahrayn, BAA va Misr 5 iyunda Dohani terrorchilik tashkilotlarini qo‘llab-quvvatlash va Yaqin Sharqdagi vaziyatni barqarorsizlashtirishda ayblab, Qatar bilan diplomatik aloqalarni uzdi. Keyinroq bu davlatlar qatoriga yana 5 ta davlat qo‘shilgan.

Mavzu
Fors ko‘rfazi inqirozi
Fors ko‘rfazida jiddiy siyosiy inqiroz yuzaga keldi. Saudiya Arabistoni, Misr, Bahrayn, BAA, Yaman, Liviya va Maldiv boshqa bir arab davlati Qatar bilan diplomatik aloqalarni uzdi. Bunga Qatar Eronni va terrorizmni qo‘llagani sabab sifatida ko‘rsatilmoqda.
Barchasi
Top