08:15 / 09.06.2017
34226

O‘zbekiston Afg‘onistonda yirik loyihalarni amalga oshirmoqchi

O‘zbekiston Afg‘oniston hududida qator infratuzilmaviy loyihalarni amalga oshirishni rejalashtirmoqda. Ular orasida temir va avtomobil yo‘llari, shuningdek, yuqori voltli elektr o‘tkazish liniyalarini qurish bor. Bu Qonunchilik aktlarini muhokama qilish portaliga muhokama uchun qo‘yilgan - yuk tashish uchun tashqi savdo yo‘nalishlari diversifikatsiyasi va ularni xalqaro infrastrukturaga integratsiya qilish bo‘yicha kompleks dasturida nazarda tutilgan.

Taklif etilayotgan choralar doirasida Afg‘oniston hududida qator loyihalarni amalga oshirish nazarda tutilgan: mamlakat shimoli-g‘arbida iqtisodiy yo‘lak yaratish, temir va avtomobil yo‘llari, shuningdek, “Mozori Sharif–Shibirg‘on–Maymana–Hirot” yo‘nalishi bo‘yicha yuqori voltli elektr uzatish liniyasini o‘tkazish rejalashtirilgan. 

Milliy eksportchilarni qo‘llab-quvvatlash, ular mahsulotining xorijiy bozorlarda raqobatbardoshligini oshirish uchun asosiy eksport yuklarini (paxta tolasi, mineral o‘g‘itlar, qurilish materiallari va boshqalar) temir yo‘l transporti orqali turli yo‘nalishlar bo‘yicha olib o‘tishda tarif preferensiyalarini olish masalasi ishlab chiqilmoqda.

Hujjatda “O‘zbekiston–Qirg‘iziston–Xitoy” temir yo‘li qurilishi loyihasi ham bor. Uni tashkil etish uchun uch tomonlama ishchi guruhining yig‘ilishini o‘tkazish kutilmoqda.

Top