БМТ Бош котиби Антониу Гутерриш Самарқанд шаҳридан чиқиб, Нукусга етиб келди, деб хабар берди "Facebook"даги "Un Uzbekistan" саҳифаси. 

Маълум қилинишича, Бош котиб Нукус шаҳрига келгач, Орол бўйи муаммоси бўйича қисқа тақдимот ўтказилди. 

Тақдимотда БМТ Бош котиби А.Гутерриш,  Ўзбекистон Республикаси Бош вазири А.Арипов, Қорақалпоғистон Республикаси Жўқорғи Кенгеси Раиси М.Ерниязов,  Ўзбекистон Республикаси Ташқи ишлар вазири А.Комилов ва бошқа меҳмонлар иштирок этишди.