Лондон полицияси шаҳар майдонларидан бирида пичоқ билан ҳужум қилиш жинояти юз берганини маълум қилди. Бу ҳақда полицияга иқтибос келтирган ҳолда Daily Mail нашри хабар бермоқда

Ҳуқуқ-тартибот идораларининг айтишича, ушбу жиноят террорчилик билан боғланмаган. Айни вақтда бир гумонланувчи қўлга олинган.

Нашрнинг маълум қилишича, ҳужумни мопедларда ҳаракатланувчи жиноятчилар тўдаси амалга оширган. Бу ҳужум метронинг Рассел-Сквер станцияси ёнида содир этилган. 

Воқеа жойига етиб келган полициячилар ва тез тиббий ёрдам ходимлари пичоқдан тан жароҳатлари олган 25-30 ёш атрофидаги эркакни аниқлашган. У Лондоннинг марказий шифохонасига етказилган. 

Лондонда 4 июнга ўтар кечаси 3 нафар террорчи автомобилда Лондон кўпригида одамларни босиб кетгач, Боро бозорига бориб, у ерда одамларга пичоқ билан ҳужум қилган. Бу терактлар оқибатида 7 киши ҳалок бўлган, 48 киши яраланган.