Лондонда хавфсизлик мақсадида ғовлар (баррикадалар) пайдо бўлиши мумкин. Бу ҳақда Лондон полицияси маълум қилди.    

Ҳозир шаҳар раҳбарияти одамлар гавжум бўладиган ва асосий диққатга сазовор жойларда ғовлар ўрнатиш масаласини муҳокама қилмоқда. Шунингдек, хавфсизликни кучайтиришнинг бошқа чораларини, жумладан ёзги оммавий тадбирлар вақтида киритиш масаласи ҳам кўрилмоқда.    

"Агар сиз бирор ноодатий ёки шубҳали нарсани пайқасангиз, агар сиз шунчаки қандайдир нохушлик сезсангиз, ўз сезгиларингизга ишониб, илтимос бу ҳақда  хабар беринг", деб айтилган Лондон полицияси сайтида.