Гуттериш дунё аҳлини Орол денгизи фожиасидан тўғри хулоса чиқаришга чақирди

Ўзбекистон 11 Июнь 2017 15561
Фото: UN

Бирлашган Миллатлар Ташкилоти (БМТ) бош котиби Антониу Гуттериш 10 июнь куни катталиги бўйича дунёда тўртинчи ўринда бўлган Орол денгизини бориб кўрди. Гуттериш дунё аҳлини бу фожиадан тўғри хулоса чиқаришга ва унинг такрорланишига йўл қўймасликка чақирди. БМТ расмий сайтида шу мавзудаги мақола чоп этилди

"Орол денгизининг қуриши иқлим туфайли эмас, сув ресурсларининг инсон томонидан нотўғри бошқарилиши натижасида рўй берган", - деди Гуттериш қачонлардир порт шаҳар, ҳозир эса "кемалар қабристони" бўлган Мўйноқни бориб кўрганидан сўнг.

"Шунингдек, иқлим ўзгариши муносабати билан унинг салбий таъсирини камайтиришга оид қатъий чоралар кўрилмаса, бу фожиа бутун дунё миқёсида кўпаяди", - дея огоҳлантирди у. 

БМТ мақоласида Оролнинг қуриши ҳудудда тузни кўпайтириб, у ерларда яшовчи инсонлар саломатлиги ва қишлоқ хўжалигига жиддий салбий таъсир кўрсатгани таъкидланган.

Гуттериш бу "замонамизнинг энг катта экологик фожиаси" экани ва унинг "инсонлар сайёрани йўқ қилиб юбориши мумкинлиги"га яққол мисол бўла олишини айтган. БМТ бош котиби барчани Орол фожиасидан тўғри хулоса чиқаришга ва уларнинг такрорланмаслиги учун иқлим бўйича Париж келишувига бутун халқаро ҳамжамиятни жалб қилишга чақирди. 

Шу куни Антониу Гуттериш Ўзбекистон Президенти Шавкат Мирзиёев билан учрашди. Улар БМТ ва Ўзбекистон ўртасидаги ҳамкорлик ва минтақавий масалаларини муҳокама қилишди. 

БМТ бош котиби шунингдек Марказий Осиёнинг энг қадимий шаҳарларидан бири Самарқандда ҳам бўлди ва у ердаги аҳоли билан суҳбатлашди.

Кун янгиликлари
Абитуриент ҳикояси: “Мен ўқув маркази томонидан алдандим”
10:34 25952 Lifestyle
Ногиронлик ва мазлумлик исканжасида: бир аёл яхшилар саховатидан умидвор 
15:55 / 18.08.2017 41256 Жамият
Судьянинг нохолислиги ёки давлат телеканалининг “шохи” борми?
19:21 / 17.08.2017 155840 Жамият
Кун.uz офис изламоқда
15:48 / 06.08.2017 44362 Lifestyle
Озарбойжонлик дизайнер ўзбек хон-атласи ва шойиларини жаҳон подиумларига олиб чиқмоқчи
21:53 609 Жамият
Қатар Саудия Арабистонидан ҳаж зиёратчилари учун юборилган самолётларни ўз ҳудудига қўймади
21:48 1521 Жаҳон
Ҳиндистонда 70 минг долларлик бриллиантларни эгасига қайтарган ўсмир муносиб тақдирланди
21:31 1710 Жамият
АПЛ. «Ҳаддерсфилд» яна ғалаба қозонди
21:09 1273 Спорт
Японияда 74 ёшли альпинист ёрдам кутган ҳолда бир ҳафта шоколад билангина жон сақлади
21:07 1151 Жамият
Тадбиркорлар жуфтлиги: Хитой, омадсиз авиакасса ва вазирликдаги ишдан кетиш
20:24 6804 Lifestyle
Кўпроқ янгиликлар