«Бенфика» ҳимоячиси Виктор Линделеф фаолиятини «Манчестер Юнайтед»да давом эттиради.

Англия клуби расмий сайтида ушбу 22 ёшли футболчи билан келишувга эришилгани ҳақида расман маълум қилинди.

Эндиликда ушбу швециялик футболчи тиббий кўрикдан ўтиши, Англияда ишлаш ҳуқуқини олиши ва «МЮ» билан шахсий шартномани келишиши керак бўлади.

Бундан олдинги хабарларда Линделеф учун «Юнайтед» 30 миллион фунт тўлаш айтилганди.