Россиянинг Туркиядаги фавқулодда ва мухтор элчиси Андрей Карлов Фатҳуллоҳ Гуленнинг FETO ташкилоти тарафдорлари буйруғига кўра ўлдирилган. Анқара прокуратураси шундай хулосага келди, деб хабар бермоқда ТАСС.

Маҳкама маълумотларига кўра, ижрочи Мавлуд Мерт Олтинтош FETO’нинг беш нафар аъзоси билан алоқада бўлган. Бундан ташқари, терговчиларнинг аниқлашича, қотил фатҳуллоҳчилардан бири билан Кипрдаги меҳмонхонада учрашган, айнан ўша ерда Россия элчисини қандай ўлдириш бўйича йўриқнома олган.

Карлов 2016 йилнинг 19 декабрь куни Туркия пойтахтидаги кўргазманинг очилиш маросида отиб ташланганди. Полиция Олтинтошни йўқ қилди.