Россия заҳарловчи моддалар захирасининг 98,9 фоизини йўқ қилди. Бу ҳақда кимёвий қуролни хавфсиз сақлаш ва йўқ қилиш бўйича Федерал бошқарма бошлиғи генерал-полковник Валерий Капашин хабар берди.

«Россияда 40 минг тонна жанговар заҳарловчи моддадан 39 минг 528 тоннаси йўқ қилинди, бу эса 98,9 фоизга тенг», - дея Капашиннинг сўзларини келтиради Интерфакс агентлиги.

Унинг сўзларига кўра, бунинг учун махсус яратилган олтита объектда маҳаллий заҳарловчи моддалар йўқ қилинган. Ишлар фақатгина сўнгги объект – Удмуртиядаги Кизнер посёлкасида давом этмоқда.

Генералнинг таъкидлашича, Россияда кимёвий қурол захираларини 2017 йил охирига қадар бутунлай йўқ қилиш режалаштирилган.