Самвел Бабаян Эронга қарши ўйиндан олдинги матбуот анжуманига келмади

Спорт 12 Июнь 2017 26678

Ўзбекистон миллий терма жамоаси бугун, 12 июнь куни Теҳронда жойлашган «Озоди» стадионида ЖЧ-2018 саралашининг Осиё минтақасида 8-тури доирасда Эронга қарши муҳим учрашувда майдонга тушади.

Ушбу ўйиндан олдин, 11 июнь куни матбуот анжумани бўлиб ўтди. Унда Ўзбекистон миллий терма жамоаси бош мураббийи Самвел Бабаян эмас, унинг ёрдамчиси Виктор Жалилов иштирок этган. Анжуманга терма жамоа етакчиларидан бири эмас, «Қўқон-1912» футболчиси Мурод Холмуҳамедов келган.

«Гуруҳда ҳали ҳеч нарса ҳал бўлмаган. Жамоаларнинг иккитадан ортиқ тўп фарқи билан ғалаба қозонмагани рақобат кучли эканидан далолатдир.

Гуруҳимизда асосий кураш Эрон, Жанубий Корея ва Ўзбекистон ўртасида кечмоқда. Сурия, Хитой ва Қатар эса яхши ўйин кўрсатиб, юқоридаги жамоаларга муаммолар туғдирмоқда.

2012 йил Эронни ўз майдонида ютганмиз, демак, ҳар қандай жамоани мағлубиятга учратиш мумкин. Тўғри, Эрон сўнгги саралаш босқичида ҳали гол ўтказмади, лекин бу футбол ва унда ҳамма нарса бўлиши мумкин. Нима учун биз Эронга гол урмаслигимиз керак? Буни уддалай оламиз деб ўйлайман», дея Жалиловнинг сўзларини келтирган ЎФФ матбуот хизмати.

«Тошкентда деярли тенгма-тенг ўйин гувоҳига айлангандик. Ўзбекистон ғалаба учун майдонга тушганди, бироқ ҳакамларнинг кутилмаган қарори туфайли стандарт вазият белгиланган ва даврозамиздан тўп олиб чиққандик. Эрон таркибидан алоҳида бир ўйинчини ажратмаган бўлардим. Рақиб жамоавий ўйин намойиш қилади. Айтишим мумкин бўлгани, ҳимоя чизиғи кучли ва тартибли ўйин кўрсатади. Эрон терма жамоаси ва шахсан Карлуш Кейрушга тайёрлаб қўйган совғамиз бор. Умид қиламанки, эртага ғалаба қозониб, Тошкентга 3 очко билан қайтамиз», деган Мурод Холмуҳамедов.

Самвел Бабаян матбуот анжуманига келмагани сабаби маълум эмас. Эронга қарши учрашув Тошкент вақти билан соат 21:45да бошланади, Ўзбекистон термаси майдонга кўк, Эрон оқ рангли либосларда тушади.

Кун янгиликлари
Абитуриент ҳикояси: “Мен ўқув маркази томонидан алдандим”
10:34 / 20.08.2017 30177 Lifestyle
Ногиронлик ва мазлумлик исканжасида: бир аёл яхшилар саховатидан умидвор 
15:55 / 18.08.2017 42381 Жамият
Судьянинг нохолислиги ёки давлат телеканалининг “шохи” борми?
19:21 / 17.08.2017 158911 Жамият
Кун.uz офис изламоқда
15:48 / 06.08.2017 45042 Lifestyle
Ла-лига. «Барселона» ғалаба билан бошлади
01:32 313 Спорт
Илон Маск БМТдан жанговор роботларни тақиқлашни талаб қилмоқда
Коалиция бомбалари остида 80 нафар суриялик ҳалок бўлди
00:27 924 Жаҳон
РФПЛ. «Ростов» «Краснодар» билан дуранг ўйнади, Шомуродов захирадан майдонга тушди
00:23 487 Спорт
Ҳафта дайжести: 50 минг сўмлик пул, мактаб формаси, бепарво МИБ, қотил ушланди, кирилл-лотин машмашаси, Барселонадаги теракт...
00:16 2136 Жаҳон
Бундеслига. «Боруссия» М ғалаба қозонди, «Айнтрахт» дуранг ўйнади
00:13 194 Спорт
Кўпроқ янгиликлар