2017 йилнинг 08 июнь куни тахминан соат 22:35 ларда, ўтказилган тезкор тадбир давомида, Бегзод Хасанов (анкета маълумотлари ўзгартирилган) Учтепа тумани ҳудудида жойлашган хонадонда фоҳишахона сақлаб, 60.000 сўм пул эвазига фуқаро «А» ва «Д» ларга жинсий алоқа қилишлари учун шароит яратиб берганлиги аниқланган, деб хабар бермоқда Тошкент ИИББ. 

Мазкур ҳолат юзасидан Учтепа тумани ИИБ ҳузуридаги Тергов бўлими томонидан Ўзбекистон Республикаси ЖКнинг 131-моддаси 2-қисми (фоҳишахона сақлаш) аломатлари билан жиноят иш қўзғатилган. 

Ҳозирда жиноят иши юзасидан дастлабки тергов ҳаракатлари олиб борилмоқда.