Донбассдаги можаро вақтида 10 мингдан ортиқ киши ҳалок бўлди, яна 24 мингга яқин киши яраланди. Бу ҳақда БМТнинг инсон ҳуқуқлари бўйича олий комиссари бошқармасининг Украинадаги вазиятга бағишланган 18-ҳисоботида айтилди.

«2014 йилнинг апрели ўрталаридан 2017 йилнинг 15 май кунига қадар камида 10 090 киши ўлдирилди (уларнинг 2 777 нафари – оддий аҳоли), камида 23 966 инсон яраланди», - дейилади ҳисоботда.

Таъкидланишича, 1,6 млн.дан ортиқ шахс ўз уйини тарк этишга мажбур бўлган.