Эрон генерали: ИШИД АҚШ ва Саудия Арабистони раҳбарлиги остида жанг қилмоқда

Жаҳон 13 Июнь 2017 11127
фото: Екатерина Сажнева

ИШИД ўзининг ҳужумларини АҚШ ва Саудия Арабистони раҳбарлиги остида ва қўллаб-қувватлови билан амалга оширмоқда, деб айтди Эрон қуролли кучлари вакили, бригада генерали Масъуд Жазаврий.

"ИШИД террорчилари АҚШ ва Саудия Арабистони билан боғланган ва террорчилик ҳужумларини бу икки давлат раҳбарлиги остида ва кўмагида амалга оширади", деб айтган  Жазаврий.

"Саудия Арабистони ва АҚШ ҳамда минтақадаги баъзи жаҳолатпараст давлатлар қўллаб-қувватлаётган террорчиликнинг барбод қилувчи эффектини Ироқда, Сурияда, Афғонистон ва Яманда ҳамда Европанинг баъзи давлатларида кўриш мумкин", деб қўшимча қилди генерал. 

Унинг фикрича, минтақа давлатларида терактларни амалга оширишни режалаштириш ва бошқариш Саудия Арабистони ва АҚШдан амалга оширилади.

Аввалроқ Эрон ташқи ишлар вазири Муҳаммад Жавод Зариф Саудия Арабистонини Эроннинг шарқий қисмида ўрнашиб олган террорчиларни қўллаб-қувватлашда айблаганди. 

Ар-Риёд ва Теҳрон ўртасидаги муносабатлар 2016 йил январида ўзаро дипломатик алоқалар узилгандан кейин кескинлашган.  

Ўтган ҳафтада АҚШ сенати Эронга қарши санкцияларни муҳокама қилишни давом эттиришни қўллаб-қувватлаганди. Эронга қарши санкциялар бўйича қонун лойиҳаси оралиқ овоз беришдан ўтган, унга сенатда 92 та овоз, қарши 7 та овоз берилган. Қонун лойиҳаси кучга кириши учун унга конгресснинг иккала палатаси овоз бериши ва президент имзолаши керак.

АҚШ Эронга қарши унинг ракета дастури, инсон ҳуқуқлари бузилиши ва Теҳрон террорчиликка ҳомийлик қилишига гумон билан санкцияларни сақлаб қолган. 

Кун янгиликлари
Судьянинг нохолислиги ёки давлат телеканалининг “шохи” борми?
19:21 / 17.08.2017 95709 Жамият
“Менга ҳаловат йўлини кўрсатинг...”. Тўй қилиб қарзга ботган ота уламоларга юзланди
16:00 / 17.08.2017 46537 Жамият
Хорижга чиқиш учун биометрик паспортнинг амал қилиш муддати неча йил бўлади? 
12:01 / 17.08.2017 51713 Ўзбекистон
Parus оилавий марказида хоррор-квестлар, лазерли отишма ўйини ва бошқа янгиликлар тайёрланди. Марҳамат
10:14 / 17.08.2017 9343 Lifestyle
Давлат ва ОАВ: Ахборот майдонида монополияга чек қўйиш вақти келди
22:00 / 16.08.2017 20139 Ўзбекистон
Яшнободда автомашина эшигини сих орқали очиб, 1500 долларни ўмарган шахс ушланди
02:51 335 Жамият
Самарқандда жисмоний имконияти чекланган ёшлар билан очиқ мулоқот ташкил этилди
02:50 159 Жамият
«Барселона» Ла Лиганинг 1-турида теракт қурбонлари хотираси учун махсус либосда майдонга тушади
01:43 682 Спорт
Оқдарёда электр таъминоти корхонасининг порахўр раҳбари ва таъмагир врач қўлга тушди
01:36 876 Жамият
Бразилия полицияси мавжуд бўлмаган спортчиларда пул қилган гуруҳни аниқлади
00:50 550 Жаҳон
Кўпроқ янгиликлар