Астрономларнинг маълум қилишича, Юпитер ядроси Қуёшдан атиги миллион йил кейин шаклланган. Тадқиқот натижалари Proceedings of the National Academy of Sciences журналида чоп этилди. 

Тахминан 4,6 миллиард йил аввал газ ва чангли гигант булутдан Қуёш тизими ҳосил бўлган. Энг биринчи Қуёш пайдо бўлган, ундан кейин эса, назарий ҳисоб-китобларга кўра - Юпитер. Бироқ сайёранинг аниқ ёшини белгилаш қийин. 

Бунинг учун олимлар дастлаб метеоритлар ёшини улардаги молибден ва вольфрам изотопларини таҳлилига асосан  аниқлаб олишди. Маълум бўлишича, метеоритлар Қуёш тизими пайдо бўлганидан тахминан 2-3 миллион кейин икки турли манбада ҳосил бўлган. 

Тадқиқот муаллифларига кўра, ҳақиқатга энг яқин изоҳ - тахминан 1 миллион йил илгари пайдо бўлган космик чанг дискининг иккига ажралиши. Икки манба бирлашмаслиги учун Юпитер ядроси массаси ер ядроси массасидан 20 карра катта бўлиши керак. Шундай экан, бу вақтга келиб Юпитер анча катта ҳажмда бўлган, деб ҳисоблашади олимлар. Кейинчалик унинг ўсиш суръати секинлашди ва фақатгина бир неча миллион йил ўтиб, у Ердан 50 баробарга катталашди. Ҳозирга келиб эса, у Ердан 318 баробар катта.

Тадқиқот шунингдек, нима учун Қуёш тизимида Ер ҳамда  Уран ва Нептун каби "муз гигантлари"нинг оралиқ массасига тўғри келадиган сайёралар йўқлигига изоҳ беради. Бундай "супер-ерлар" бошқа юлдузлар тизимида тарқалган. Бироқ Юпитер қаттиқ заррачаларнинг Қуёш тизимининг бир қисмидан бошқасига ўтишига тўсқинлик қилган.