Саудия Арабистони АҚШга нефть экспорт қилиш ҳажмини тахминан 30 йил ичидаги минимум қийматгача қисқартиради. Июль ойидаги савдо 1988 йилнинг шу ойидан бери минимали бўлади, деб ёзмоқда вазиятдан хабардор бўлган манбаларга иқтибос келтирган ҳолда The Wall Street Journal нашри. 

"Saudi Aramco давлат компанияси июнда АҚШга сотадиган нефть ҳажми кунига миллион баррелдан пастроққа тушишини кутмоқда, сўнгра июлда кунига 850 минг баррелгача қийматга тушиб кетади. АҚШ энергетика вазирлигининг энергетика бўйича бошқармаси маълумотларига кўра, АҚШга экспорт бўйича июлдаги кўрсаткич 1988 йилнинг шу ойидан бери кузатилган энг паст кўрсаткич бўлади", деб таъкидлаб ўтди нашр. 

Баъзи таҳлилчиларнинг фикрича, экспорт ҳажмининг бу қисқартирилишлари ОПЕК ва унга кирмайдиган давлатларнинг нефть глобал захираларини қисқартириш бўйича келишувини амалга оширишга ёрдам беради.  

"АҚШга экспортнинг пасайиши Саудия Арабистони таклифнинг ортиқчалиги муаммосини ҳал қилишга жиддий муносабатдалигини кўрсатади", деб таъкидлаб ўтди нашрга Credit Suisse Group AG’нинг глобал энергетик стратеги Ян Стюарт.

ОПЕК ва унга кирмайдиган давлатлар 2016 йил охирида Венада нефть қазиб олиш ҳажмини октябрдаги даражадан умумий ҳисобда 1,8 млн баррелга камайтиришга келишиб олишганди. Ушбу келишув 2017 йилнинг биринчи ярми учун узайтириш имкони билан тузилган. Май ойида унинг амал қилиши 9 ойга – 2018 йил мартигача узайтирилганди.