Америкалик олимлар глобал исиш жараёнида Ернинг тропик минтақаларида ёғингарчиликнинг кўпайиши ҳақида маълум қилишди. Nature Communications'да шу ҳақидаги мақола тақдим этилди. 

Олимларнинг фикрича, мавжуд иқлим моделларида келгусида ёғадиган ёғинлар сони берилган. Бу моделларда атмосферадаги иссиқликни ўзига тортувчи тропик булутларнинг қисқариши инобатга олинмаган.

Глобал исиш таъсири остида бундай булутлар камаяди. Ер юзида ҳарорат ошганда ҳаво оқимларининг глобал силжиши рўй беради ва бу тропик булутларнинг камайишига олиб келади. 

Олимлар иқлим моделларига боғлиқ барча маълумотларни ўрганиб чиқишди. Маълум бўлишича, уларнинг аксариятида ҳарорат исиши натижасида ёғинларнинг кўпайиши инобатга олинмаган.

Олимларнинг сўзларига кўра, улар янги параметрлар ёрдамида иқлим моделларини янада такомиллаштиришади.