Tesla Model X илк краш-тестида энг юқори баҳоларни олди

Технология 13 Июнь 2017 3740

АҚШнинг Йўл ҳаракати хавфсизлиги миллий бошқармаси (NHTSA) Tesla компаниясининг Model X кроссоверининг илк краш-тести видеосини намойиш қилди. Синовлар 2017 йилда ўтган, бироқ аниқ сана айтилмаган.

NHTSA’нинг кейинроқ маълум қилишича, автомобиль SUV (Sport Utility Vehicle ёки спорт-утилитар транспорт воситаси) синфидаги машиналар орасида энг юқори рейтингни олган. 

NHTSA кузатуви остида ўтган краш-тест ҳақиқий пешонама-пешона урилиш шароитларини назарда тутган. Model X’нинг бошқа электрокарлар каби устунлиги унинг двигатели олдида эмаслигидир, бу эса кузов деформацияси ҳудудини кенгайтиришга имкон берган.

NHTSA олд ўриндиқдаги ҳайдовчи ва йўловчи бошидан, бўйни, кўкраги ва оёқларидан жароҳат олишини баҳолаган. Ўртача бўйдаги катта ёшли эркак ва кичик бўйли аёл манекени қўлланган. Иккала манекен ҳам хавфсизлик камари билан маҳкамланган. Сўнгра кроссовер барқарор тўсиқ билан 56,3 км/соат тезликда тўқнаштирилган.

Шунингдек, моделнинг ён томондан краш-тести видеоси ҳам намойиш қилинган. Ҳайдовчи ўриндиғидаги кичик ўлчамли аёл манекени хавфсизлик камари билан маҳкамланган. Автомобилга 62 км/соат тезликда 1360 кг га яқин оғирликка эга конструкция келиб урилган. 

Electrek маълумотларига кўра, Tesla’да ҳар бир синов бўйича 5 юлдузли рейтинглар ва кроссоверлар ўртасида энг юқори баҳолар берилиши кутилмоқда. Таъкидланишича, ички синовлар вақтида машинани бирор марта томига ағдаришга муваффақ бўлинмаган. 

5 юлдуз олиш учун шикаст олиш эҳтимоли 10 фоиз ёки ундан камроқни ташкил қилиши керак. Компания раҳбарияти эса бу кўрсаткич 6,5 фоизни ташкил қилишига умид қилмоқда. 

Кун янгиликлари
Судьянинг нохолислиги ёки давлат телеканалининг “шохи” борми?
19:21 / 17.08.2017 82469 Жамият
“Менга ҳаловат йўлини кўрсатинг...”. Тўй қилиб қарзга ботган ота уламоларга юзланди
16:00 / 17.08.2017 42649 Жамият
Хорижга чиқиш учун биометрик паспортнинг амал қилиш муддати неча йил бўлади? 
12:01 / 17.08.2017 49169 Ўзбекистон
Parus оилавий марказида хоррор-квестлар, лазерли отишма ўйини ва бошқа янгиликлар тайёрланди. Марҳамат
10:14 / 17.08.2017 8316 Lifestyle
Давлат ва ОАВ: Ахборот майдонида монополияга чек қўйиш вақти келди
22:00 / 16.08.2017 19324 Ўзбекистон
Олий лига. «Пахтакор» Самарқандда очко йўқотди
21:12 561 Спорт
Ўзбекистон ва Қирғизистон томони туризм соҳасида алоқаларни чуқурлаштиришга келишиб олишди
Канада авиакомпанияси самолётининг 200 дан кўпроқ йўловчиси багажсиз қолди
21:00 669 Жаҳон
Шарлотсвиллдаги тўқнашувлар қурбонининг онаси Трамп билан суҳбатлашишдан бош тортди
20:40 863 Жаҳон
B1 ва ундан юқори сертификат билан бакалавриатга ўқишга киришда чет тилидан озод қилинади
Кўпроқ янгиликлар