Аввал хабар берилганидек, Ўзбекистон президенти Шавкат Мирзиёев суд органларида одил судловни таъминлаш масалалари юзасидан судьялар ҳамжамияти билан мулоқот ўтказмоқда.

«Кун.uz» манбаси маълумотига кўра, видеоселектор президент раислигида бўлиб ўтмоқда. Видеоселектор йиғилиши кун тартибига суд органлари тизимида одил судловни таъминлаш борасидаги ишлар аҳволи, муаммолар ва келгусидаги вазифалар киритилган.

Манбанинг хабар беришича, видеоселектор йиғилишида Ўзбекистонда судларга кадр тайёрлайдиган Олий Судлар Академияси ташкил этилиши айтилган.

Аввалроқ Ўзбекистонда Судьялар олий кенгаши ташкил этилиши ҳақида хабар берилганди.