Россия президенти Владимир Путиннинг фикрича, АҚШнинг Украинадаги сиёсати фалсафаси шундан иборатки, Украинанинг Москва билан яқинлашишига йўл қўймасликдир. Айримлар бунда РФ қудрати кучайиши борасидаги таҳдидни кўрмоқда. 

"Америка халқаро сиёсатининг бу минтақадаги фалсафаси шундайки, Россия ва Украинанинг яқинлашувига йўл қўймаслигидир. Чунки, бунда кимдир қандайдир таҳдидни кўрмоқда. Гуё бу Россия қудрати манбаси, шу сабабли қандай бўлмасин Россия ва Украинанинг ҳар қанақа яқинлашувига йўл қўймасликдир", — деган Путин. У америкалик режиссёр Оливер Стоуннинг Showtime телеканалида намойиш қилинган фильмида шундай фикрларни билдирган. 

Бунда, Путиннинг қайд этишича, АҚШда ҳам, Европа мамлакатларида ҳам украиналик фуқароларнинг танлов эркинлигидан бошқачаа ҳаракат қилувчилар бор. 

"Аммо, менимча, АҚШ ва Европадаги кўплаб ҳамкорларимиз украин халқи танлови эркинлигидан эмас, балки айнан шу тасаввурдан келиб чиққан ҳолда ҳаракат қилишди. Украинада радикаллар, миллатчи унсурларни қўллаб-қувватлаш, шу ёндашув нуқтаиназаридан мағлубиятга учралмайди. Шундай экан, бу маънода, уни амалга оширганлар ўз мақсадларига етишишди, ажойиб тарзда амалга оширишди", — деган Путин.

"Аммо, муаммога бир лаҳзалик душманлик ва қандайдир ташқи таҳдидга қарши ўз атрофида вассалларни тўплашга нисбатан кенгроқ ёндашилса, жаҳон ҳамжамияти ривожига қаралса, аввал ҳам айтганимдек, дунёдаги ҳолат қандай бўлиши борасида 25 йил олдинга қаралса, халқаро муносабатлар фалсафасини ўзгартириш мумкин бўларди", — дея қўшимча қилган Россия раҳбари.