Тошкент шаҳри ва Тошкент вилояти ҳокимиятларида транспорт департаментлари тугатилиши мумкин

Ўзбекистон 14 Июнь 2017 11376
Фото: Тошшаҳартрансхизмат

Тошкент шаҳри ва Тошкент вилояти ҳокимиятларининг барча турдаги йўловчи транспортига лицензия бериш ва ҳаракатланишини мувофиқлаштириш бўйича департаментларини тугатиш таклиф этилмоқда. Бу ҳақда муҳокамага қўйилган Президентнинг автомобиль транспорти соҳасидаги давлат бошқаруви тизими ва тартибга солишни такомиллаштириш тўғрисидаги қарори лойиҳасида айтилади.

Ҳужжатда айтилишича, ҳаддан ташқари бир-бирини такрорловчи жараёнларнинг кўплиги, автомобиль транспорти соҳасида ишловчи тадбиркорлар дуч келаётган чекловлар ва тўсиқлар бозор ривожига халақит бермоқда. Шунингдек, Ўзбекистон Автомобиль ва дарё транспорти агентлиги ҳамда кўрсатилган иккита департамент ўртасида умумийлаштирилган йўловчиларни автомобилда ташишни лицензиялаш тизимида муаммолар борлиги ҳам таъкидланди.

«Тошкент шаҳридаги бошқарув тизимида маълум камчиликларга йўл қўйилган. Ташувлар фаолиятини бошқариш ва тартибга солишга мўлжалланган шаҳарнинг барча турдаги йўловчи транспортига лицензия бериш ва ҳаракатланиши мувофиқлаштириш бўйича Департамент аслида Тошкент шаҳри ҳокими ўринбосарига ҳисобот беради. У бир вақтнинг ўзида департамент томонидан бошқарилувчи ташувчилардан бирининг раҳбари ҳам саналади (“Тошшаҳартрансхизмат” АЖ)», - дея таъкидланади қарор лойиҳасида.

Муаммоларни бартараф этиш учун Тошкент шаҳри ва пойтахт вилояти ҳокимиятлари департаментларини Ўзбекистон Автомобиль ва дарё транспорт агентлигининг Тошкент шаҳри ва Тошкент вилояти бошқармалари билан бирлаштириш мўлжалланган.

Мамлакат шаҳарларидаги йўловчи транспорти бўйича махсус ваколатли бошқарув органлари агентликка ҳисобот беради.

Тошкент шаҳри ва вилояти департаментлари томонидан берилган амалдаги лицензиялар ва лицензия карточкаларини бепул қайта расмийлаштириш режалаштирилган.

Кун янгиликлари
Ногиронлик ва мазлумлик исканжасида: бир аёл яхшилар саховатидан умидвор 
15:55 / 18.08.2017 34317 Жамият
Қўшимча-контракт асосида ўқишни истайдиганлар нима қилиши керак?
11:30 / 18.08.2017 72588 Ўзбекистон
Миллий бренд — Fratelli Casa кийимларининг тарихи, бугунги ютуқлари ва келажак режалари ҳақида
11:05 / 18.08.2017 10588 Жамият
Судьянинг нохолислиги ёки давлат телеканалининг “шохи” борми?
19:21 / 17.08.2017 136849 Жамият
Шавкат Мирзиёев: «Пастга тушиб, одамларнинг дарди билан яшаш — яккаю ягона ва энг улкан мақсадимиздир»
А серия. «Наполи» ҳам ишончли ғалаба билан старт олди
03:03 240 Спорт
Гулистон туманидаги намунали уйларнинг намунасиз кўчалари. Мутасаддилар бунга нима дейди?
02:35 1015 Жамият
Виталий Денисов футболга қайтганидан хурсанд
02:29 553 Спорт
«Агробанк» ҳақми ёки биолаборатория? Зарбдордаги чигал муаммони ким ҳал қилади?
02:25 732 Жамият
«Ўзбекистонда болалар кейинги 5 йил мобайнида боғчага 100 фоиз жалб қилинади» — Президент
Кўпроқ янгиликлар