БМТ Бош ассамблеяси террорчиликка қарши курашиш бошқармасини таъсис этишга қарор қилди. Бу ҳақдаги резолюция умумий мажлисда қабул қилинди.

БМТ бош котиби Антониу Гутерреш бу қарорни қутлади. Унинг бу борадаги баёноти БМТ сайтида чоп этилди.

Янги бошқарманинг ташкил қилиниши ташаббусини Гутеррешнинг ўзи билдирган. У БМТ Бош ассамблеяси раиси Питер Томсонга БМТнинг террорчиликка қарши курашишга жавоб берувчи тузилмаларида жиддий ислоҳот ўтказишга йўл қўядиган резолюцияни кўриб чиққани учун миннатдорчилик билдирди.

Сиёсий саволлар бўйича департаментдан янги бошқармага террорчиликка қарши курашиш офиси ҳамда мақсадли гуруҳи ходимлари ўтказилади. Янги ташкилот бошлиғи БМТ бош котиби ўринбосари мақомини олади.