Бугун олий таълим муассасаларида қабул комиссиялари иш бошлади

Ўзбекистон 15 Июнь 2017 25129
Фото: ЎзА

2017 йил 15 июнь куни республикамизнинг барча олий таълим муассасаларида 2017/2018 ўқув йили учун қабул комиссиялари иш бошлади, деб хабар беради Xushnudbek.uz портали.

Абитуриентларнинг ўқишга қабул қилиш ҳақидаги аризалари олий таълим муассасалари қабул комиссиялари томонидан 15 июндан 15 июлгача, Ўзбекистон давлат консерваторияси учун 15 июндан 10 июлгача қабул қилиниши белгилаб қўйилган.

ZiyoNet таълим порталининг абитуриентлар саҳифасидаги маълумотга кўра, жорий йилда республикамиздаги 83 та ОТМларга талабалар қабул қилинади.

Маълумот ўрнида айтиш мумкинки, 2017 йил 5 май куни Ўзбекистон Республикаси президенти Шавкат Мирзиёев «2017/2018 ўқув йилида Ўзбекистон Республикасининг олий таълим муассасаларига қабул тўғрисида»ги қарорга имзо чекди.

Қарорга кўра, 2017/2018 ўқув йили учун:

- бакалавр таълим йўналишига 66 минг 316 нафар талаба, шуларнинг 18.194 нафари давлат грантида ва 48.122 нафари тўлов-контракт бўйича;

- магистратурага 5.000 нафар талаба, шундан 1.556 нафари давлат гранти, 3.444 нафари эса тўлов-контракт асосида;

- махсус сиртқи бўлим негизида ишлаб чиқаришдан ажралмаган ҳолда билим олишни таъминлаш мақсадида Тошкент ахборот технологиялари университетининг махсус сиртқи бўлимида 100 нафар, шу жумладан, давлат грантлари бўйича 15 та ва тўлов-контракт асосида 85 та, Навоий давлат кончилик институтида тўлов-контракт асосида 90 нафар ва Тошкент темир йўл муҳандислари институтида тўлов-контракт асосида 80 нафар бакалаврни қабул қилиш назарда тутилган.

Абитуриентлар қабул комиссиясига қуйидаги ҳужжатларни тақдим этиши керак бўлади:

- Олий ўқув юрти ректори номига ўқитишнинг йўналиши, тили ва шакли кўрсатиб ўтилган, ўз қўли билан ёзиб имзоланган ариза;

- ўрта маълумот ёки ўрта махсус, касб-ҳунар таълими ҳақидаги ҳужжатнинг асл нусхаси (баҳолар илова варақаси билан биргаликда);

- 086/У шаклидаги тиббий маълумотнома;

- паспорт нусхаси; (агар абитуриент 16 ёшга тўлмаган бўлса, ички ишлар органларидан №9 шаклдаги маълумотнома тақдим этади);

- 3,5х4,5 см шаклдаги 6 дона фотосурат;

— халқаро ва республика фан олимпиадалари, танловлар ва мусобақаларнинг ғолиблари учун уларга танловдан ташқари қатнашиш ҳуқуқини берувчи ҳужжатнинг асл нусхаси;

- муддатли ҳарбий хизмат ўтган абитуриентнинг ҳарбий қисмидан ўқиш учун тавсияномаси.

Жисмоний тарбия институтига қабул қилинадиган абитуриентлар юқорида санаб ўтилган ҳужжатлардан ташқари, спорт квалификацияси (спорт разряди дафтарчаси), саккизта фотосурат (махсус спорт текширувчи учун) топширишади.

Махсус сиртқи бўлимга кираётган шахслар ўрнатилган тартибда меҳнат дафтарчасидан кўчирма тақдим этишади.

Тест синовларидан уч кун аввал абитуриентга гуруҳ рақами кўрсатилган рухсатнома берилади.

Эслатиб ўтамиз, Ўзбекистон олий ўқув юртларига ягона кириш имтиҳонлари 1 август куни бўлиб ўтади.

Кун янгиликлари
Ногиронлик ва мазлумлик исканжасида: бир аёл яхшилар саховатидан умидвор 
15:55 / 18.08.2017 34784 Жамият
Қўшимча-контракт асосида ўқишни истайдиганлар нима қилиши керак?
11:30 / 18.08.2017 73286 Ўзбекистон
Миллий бренд — Fratelli Casa кийимларининг тарихи, бугунги ютуқлари ва келажак режалари ҳақида
11:05 / 18.08.2017 10834 Жамият
Судьянинг нохолислиги ёки давлат телеканалининг “шохи” борми?
19:21 / 17.08.2017 137955 Жамият
Шавкат Мирзиёев: «Пастга тушиб, одамларнинг дарди билан яшаш — яккаю ягона ва энг улкан мақсадимиздир»
А серия. «Наполи» ҳам ишончли ғалаба билан старт олди
03:03 724 Спорт
Гулистон туманидаги намунали уйларнинг намунасиз кўчалари. Мутасаддилар бунга нима дейди?
02:35 2754 Жамият
Виталий Денисов футболга қайтганидан хурсанд
02:29 1626 Спорт
«Агробанк» ҳақми ёки биолаборатория? Зарбдордаги чигал муаммони ким ҳал қилади?
02:25 2009 Жамият
«Ўзбекистонда болалар кейинги 5 йил мобайнида боғчага 100 фоиз жалб қилинади» — Президент
Кўпроқ янгиликлар