Ўзбекистон президенти Шавкат Мирзиёев яқин кунларда Тошкент шаҳрининг Учтепа туманига ташриф буюради. Бу ҳақда «Кун.uz» манбалари хабар бермоқда.

Ташриф давомида давлат раҳбари олиб борилаётган ислоҳотлар билан танишади, шунингдек, тумандаги ишлаб чиқариш корхоналарида бўлади.

Ҳозирда туманда ташрифга тайёргарлик кўрилмоқда, туманга олиб борадиган йўллар (Муқимий, Чўпонота, Кичик ҳалқа кўчалари) атрофида кеча-ю кундуз ободонлаштириш ишлари олиб борилмоқда.

Эслатиб ўтамиз, Учтепа туманига апрель ойида Шавкатбек Турдиевич Иргашев ҳоким этиб тайинланганди.