АҚШ сенати Эронга қарши санкциялар ҳақидаги қонун лойиҳасини қабул қилди

Жаҳон 16 Июнь 2017 2911
Фото: AP Photo/Susan Walsh

АҚШ сенати Эронга қурол-аслаҳа етказишда иштирок этганлик учун санкциялар киритишни назарда тутувчи қонун лойиҳасини қабул қилди. Ҳужжат зарур миқдордаги овоз йиға олган.

Қонун лойиҳаси матнига кўра, АҚШ президенти Эроннинг баллистик ракета ёки бошқа турдаги оммавий қирғин қуроллари яратиши дастурига алоқаси бўлган ёки кўмак кўрсатган шахсларга нисбатан санкциялар киритиши керак. Санкциялар киритишга молиявий хизматлар, моддий ва технологик қўллаб-қувватлаш, ракеталарни яратиш учун материалларни ташишни ташкиллаштириш каби хатти-ҳаракатлар асос бўлиши мумкин. Санкциялар остига тушган шахслар АҚШ визаси ололмайдилар, америкаликларга эса бундай одамлар билан ишчи муносабатлар ўрнатиш тақиқланади. Бундай шахсларнинг АҚШдаги мол-мулки ва активларига тақиқлов қўйилади.

Қонун лойиҳасига АҚШ президенти Эронга "танк, зирҳли техника, йирик калибрли артиллерия қурилмалари, жанговар авиация, зарба берувчи вертолётлар, ҳарбий кемалар, ракета ва ракета тизимлари" етказиб беришда иштирок этганларни "қора рўйхат"га киритиши мажбурлиги ҳақидаги банд киритилган.

Эрон қуролли кучларининг нуфузли қисмлари – Ислом инқилоби қўриқчилари корпусига нисбатан санкциялар киритиш алоҳида кўзда тутилган. Санкциялар, шунингдек, корпус билан ҳамкорлик қилувчи хорижий шахсларга ҳам тааллуқли бўлади.

Ушбу қонун лойиҳасига, шунингдек, Россияга нисбатан санкцияларни қатъийлаштириш ҳақидаги тузатиш киритилган. Энди бу қонун лойиҳаси вакиллар палатаси томондан кўриб чиқилади ва агар маъқулланса, АҚШ президентига имзолашга топширилади.

Кун янгиликлари
Ўзбекистон делегацияси Бишкекда, хорижга чиқиш паспорти дараги, лотин ва кирилл машмашаси ҳамда куннинг бошқа хабарлари
20:40 / 16.08.2017 20298 Жаҳон
Соч тўкилиши нега ёшариб кетмоқда – мутахассис жавоб беради
10:01 / 16.08.2017 70900 Жамият
Кун.uz офис изламоқда
15:48 / 06.08.2017 37972 Lifestyle
Саудия Арабистонида ҳукмрон оиладан бўлган яна бир шаҳзода вафот этди
08:46 25 Жаҳон
Германияда уруш давридаги бомба туфайли 10 мингдан ортиқ киши эвакуация қилинди
08:32 324 Жаҳон
Венесуэладаги турмада юз берган тўқнашувлар оқибатида кўплаб маҳбуслар ҳалок бўлди
08:25 495 Жаҳон
Саудия Арабистони ҳаж вақтига зиёратчилар учун Қатар билан чегарасини очади 
08:16 760 Жаҳон
Ирландия Apple’дан 13 млрд евро миқдоридаги солиқларни талаб қилмоқчи эмас
Ливанда номусга текканлик учун жазо ўрнига ўз қурбонига уйланишга ижозат берувчи қонун бекор қилинди
08:05 1297 Жаҳон
Британиянинг энг катта ҳарбий кемаси хизмат ўташ жойига келди
07:49 2070 Жаҳон
Кўпроқ янгиликлар