АҚШда гольф бўйича US Open мусобақаси ўтаётган жой яқинида дирижабль қулади. Гувоҳларнинг айтишича, дирижабль дастлаб ёниб кетган, сўнгра ундан одамлар парашютда сакрай бошлашган.

Бу воқеа ҳақида мусобақа иштирокчилари маълум қилишган, улар ижтимоий тармоқларда дирижабль қулашининг суратлари ва видеоларини жойлаштира бошлашган.  

Business Insider нашрининг ёзишича, мусобақа ташкилотчилари воқеа тафсилотлари ҳақида ҳали ҳеч нарса айтишмаган.

CBS телеканалининг маълум қилишича, дирижаблни ўз хизматларини рекламам қилиш учун кредит компанияси ёллаган бўлган.  

TMZ маълумотларига кўра, дирижабль учувчиси қулаётган ҳаво транспортидан парашютда сакрай олган, бироқ куйиш жароҳатлари олиб, шифохонага етказилган.