Япониянинг NHK телеканалининг маълум қилишича, Японияда судланувчи суд жараёни вақтида икки нафар полициячига жароҳат етказган. Таъкидланишича, полициячиларнинг иккиси ҳам тирик, улар шифохонога етказилганлар. Дастлабки маълумотларга кўра, судланувчи суд залига ўзи билан пичоқ ва чопқи олиб ўтишга муваффақ бўлган. Маълум қилинишича, суд биносига кираверишда металл-қидиргичлар ўрнатилмаган бўлган.  

Жиноятчи оғир жиноят ҳисобланмайдиган "бошқаларга безовталик етказувчи ҳаракатларни амалга ошириш" моддаси билан судланаётган бўлган. Бироқ энди у ҳужумидан кейин "ўлдиришга уриниш" айби билан жавоб беришига тўғри келади.