Қашқадарёда ЙПХ ходимини машинасида уриб кетган шахс жазога тортилди

Жамият 17 Июнь 2017 9288

Ўшанда майнинг ўрталари эди. Асаларичилик учун қизғин мавсум бошланиб кетганди. Бир неча йилдан бери шу ҳунарнинг нонини еб юрган Санжар эса об-ҳавонинг яхши келмагани боис асаларилари нобуд бўлаётганидан хуноб эди, деб ёзади “Ҳуқуқ” газетаси.

-  Бошқа яхшироқ жой топиб, кўчирмасак бўлмайди, - деди у шериги Х.Қодировга.

Эртаси куни эрталаб у отасининг машинасида шериги билан йўлга чиқди. Бир зумда улар яшайдиган Дам қишлоғи ортда қолди. Шериклар йўл бўйи яна асалариларнинг касаллигини муҳокама қилиб кетишди. Ишлари ўнгидан келиб, Қамаши туманидаги Ёртепа қишлоғидан асаларилари учун яхши жой топишди. Сўнг Еттитом йўлига чиқиб, Кўкдалада тўхтаб овқатланишди. Ишлари енгил кўчганидан кайфиятлари анча ўнгланган эди. Тушликдан сўнг Санжар машинани Чоршанбе бозори йўли орқали Кўктош маҳалласи томон учириб кетди. Бу йўлда чекланган тезликда ҳаракатланиш зарурлигини ҳам унутди.

Узоқдан “тўхтанг” ишорасини берган йўл-патруль хизмати ходимларини кўриб, ҳужжатлари жойида эмаслиги ёдига тушди.

-  Қочамиз, - Санжар яшин тезлигида хаёлига келган қарорни шеригига айтиб, рулга ёпишди. Тезликни пасайтирмасдан, улардан олдинроқ тўхтаётган машиналарни айланиб ўтди-ю, қочишга шайланди.

Шу пайт йўл нозирларидан бири яна “тўхтанг” ишорасини бериб, йўлга чиқиб келди. Санжар уни четлаб ўтмоқчи бўлди. Аммо тўғридан келаётган машинани кўриб, фикридан қайтди, оёғини газдан олмади. “Ўзини олиб қочар”, деган ўйда тўғрида турган йўл нозирининг устига машинани ҳайдади.

Ногаҳон нимадир қарс этди. Машина ойнаси синиб кетганди. Санжар қўрқиб кетганидан яна газни босди. Анча жойга ҳайдаб боргач, йўл четидаги ошхона ёнида тўхтади. 

Пастга тушиб, машинани кўздан кечиришди. Синган ойнанинг қолган қисмини ҳам кўчириб ташлашди. Санжар нима қилиб қўйганини энди мулоҳаза қилиб, қўрқувга тушди. “Нимага қочдим? Нари борса, жарима билан қутулардим. Бу ёғи қанчага тушди? Уриб юборилган киши омонмикан? Ҳеч бўлмаса, уриб юборганимдан кейин тўхтасам бўларди-ку. Эҳ, нималар қилиб қўйдим?..”. Шундай хаёллар оғушида шеригини йўлда қолдириб, тўғри туман ички ишлар бўлими томон жўнади.

Умуртқаси, оёғи, бошидан қаттиқ жароҳат олган йўл-патруль хизмати ходими Дилмурод Норқулов шифохонага ётқизилиб, зарур тиббий муолажалар кўрсатилди.

“Ҳечдан кўра кеч” қабилида иш тутган ва ўз хатосини англаб етган Санжар туман ички ишлар бўлимига бориб, хабар берган, Дилмурод Норқулов ва унинг оила аъзоларидан кечирим сўраган. Санжарнинг яқинлари Д.Норқуловга етказилган зарарларни қоплаб беришган. 

Суд ҳукми билан Санжар Муроддиновга Жиноят кодексининг тегишли моддаларига асосан тегишли жазо тайинланди.  

Кун янгиликлари
Ёдгор Саъдиев мудраган ижод аҳли, тирикчиликка айланган ижод, ёш актрисалар ва тўйлар ҳақида 
10:33 / 22.08.2017 71662 Маданият
Фарғона вилояти ҳокими Сўх тумани, уй-жой муаммоси, табиий газ ва аҳолининг бошқа муаммолари ҳақида (видео)
20:30 / 21.08.2017 37279 Жамият
Artel Technical School «Келажак мактаби» ўқув нархларини пасайтирмоқда!
20:02 / 21.08.2017 21592 Жамият
Халқ таълими вазири билан очиқ суҳбат: янги вазирлик, 10-синф, пахта терими, коррупция ва йиғди-йиғдилар
23:29 / 20.08.2017 81365 Жамият
Ногиронлик ва мазлумлик исканжасида: бир аёл яхшилар саховатидан умидвор 
15:55 / 18.08.2017 61958 Жамият
Forbes: Бой бўлишдан уялмаган Малкольм Форбс
01:13 1185 Lifestyle
Зидан ҳеч қандай музокараларсиз «Реал» билан шартномани узайтиради
00:53 835 Спорт
Бразилияда бортида 70 киши бўлган паром чўкиб кетди
00:20 769 Жаҳон
Германиядаги йўл-транспорт ҳодисасида 44 руминиялик жабрланди
00:17 348 Жаҳон
Шаҳзодалар Уильям ва Ҳарри “Юлдузли жанглар” фильмининг янги қисмида суратга тушишди
23:44 / 23.08.2017 661 Маданият
Кўпроқ янгиликлар