"Рокки" фильмини суратга олган америкалик режиссёр Жон Эвилдсен 82 ёшида вафот этди. Бу ҳақда унинг ўғли Энтонига иқтибос келтирган ҳолда Associated Press ахборот агентлиги хабар бермоқда. 

Қария Лос-Анжелесда ошқозон ости бези саратонидан вафот этди.

Эвилдсен "Рокки" фильми учун энг яхши режиссёр йўналишида "Оскар" мукофотини олган. У фильмнинг 5-қисмини ҳам суратга олган. 

Эвилдсен, шунингдек, "Каратечи бола" трилогиясига режиссёрлик қилган.