Самарқанддаги собиқ завод ўрнида Samarkand city эркин туристик ҳудуди ташкил этилади

Ўзбекистон 17 Июнь 2017 10044
Фото: uza.uz

«Президентимиз Ш.Мирзиёевнинг Самарқанд вилоятига ташрифи мобайнида шаҳардаги Амир Темур кўчасида жойлашган «Алпомиш» МЧЖ (собиқ «Красный двигатель» заводи)нинг бино ва иншоотларини ҳамда улар жойлашган ва туташган ер майдонларини Самарқанд шаҳар ҳокимлиги балансига берилиши ва «Алпомиш» МЧЖга тенг қийматли бино-иншоотлар берилиши ёки унинг қийматини белгиланган тартибда тўланиши белгилаб берилган эди», — деди Самарқанд шаҳар ҳокими В.Раҳимов 16 июнь куни журналистлар билан ўтказилган матбуот анжуманида.

Самарқанд шаҳар ҳокимининг фармойиши асосида «Алпомиш» МЧЖнинг бино ва иншоотларини қабул қилиш бўйича ишчи гуруҳ тузилиб, ҳудудда тўлиқ хатлов ишлари олиб борилди.

МЧЖнинг бино ва иншоотларини, улар жойлашган ҳамда туташган ер майдонларини шаҳар ҳокимлиги балансига ўтказиш бўйича қарор қабул қилинди. Вилоят ҳокимлиги, Самарқанд шаҳар ҳокимлиги ва «Алпомиш» МЧЖ таъсисчилари (улар орасида россиялик ва хитойлик тадбиркорлар ҳам бор) ўртасида келишув баённомаси тузилди.

«Алпомиш» МЧЖга Гагарин кўчасидаги 3582 кв. метр бўлган 5 қаватли маъмурий бино ва ёрдамчи бино-иншоотларга доимий эгалик қилиш ҳуқуқи берилди. 

«Алпомиш» МЧЖнинг ҳудудида Samarkand city эркин туристик ҳудудини ташкил қилиш, лойиҳани амалга ошириш муддатини, молиялаштириш манбаларини, лойиҳа ижрочиларини, завод ҳудудини янги қурилиш ишларига тайёрлаш механизмларини аниқлаш бўйича топшириқлар ижроси тегишли тартибда олиб борилмоқда, деди шаҳар ҳокими В.Раҳимов матбуот анжуманида.

Туризмни ривожлантириш давлат қўмитаси томонидан «Алпомиш» МЧЖ ҳудудида Samarkand city эркин туристик ҳудудни ташкил этиш бўйича концепция ишлаб чиқилиб, вилоят ҳокимлигига, Давлат қурилиш ва архитектура қўмитасига, ТИФ «Миллийбанк»ка келишиш учун киритилган.

Samarkand city эркин туристик ҳудудида замонавий меҳмонхоналар ва бошқа туристик инфратузилма объектларининг қурилишини молиялаштириш учун хорижий стратегик (Жанубий Корея, Туркия ва Хитой) ҳамда маҳаллий инвесторларни жалб қилиш бўйича амалий ишлар бошланди, деди бу борадаги сўзларини якунлар экан, Самарқанд шаҳар ҳокими Воҳид Раҳимов.

Кун янгиликлари
Ногиронлик ва мазлумлик исканжасида: бир аёл яхшилар саховатидан умидвор 
15:55 / 18.08.2017 33199 Жамият
Қўшимча-контракт асосида ўқишни истайдиганлар нима қилиши керак?
11:30 / 18.08.2017 71050 Ўзбекистон
Миллий бренд — Fratelli Casa кийимларининг тарихи, бугунги ютуқлари ва келажак режалари ҳақида
11:05 / 18.08.2017 10029 Жамият
Судьянинг нохолислиги ёки давлат телеканалининг “шохи” борми?
19:21 / 17.08.2017 134248 Жамият
Месси ҳам «Барселона»ни тарк этиши мумкин
23:30 26 Спорт
Эрдўған Германия ички ишлар вазирига “жойини билишни” маслаҳат қилди
23:17 506 Жаҳон
ОАВ: Барселонада портловчи моддалар ортилган фургонлар орқали учта нуқтада ҳужум режалаштирилганди
22:30 984 Жаҳон
«Суперкамбэк». Денисов 3 ойлик танаффусдан кейин сафга қайтган ўйинда «Локомотив» қаҳрамонлик кўрсатди
22:20 2446 Спорт
Австрияда катта чодирнинг ағдарилиши оқибатида 100 дан кўпроқ одам жабрланди
22:10 552 Жаҳон
Ҳиндистондаги темир йўл фалокати қурбонлари сони 20 кишига етди
22:00 922 Жаҳон
Кўпроқ янгиликлар