Microsoft’нинг янги ноутбуки таъмирлаш учун яроқсиз деб топилди

Технология 19 Июнь 2017 4168

Турли қурилмаларнинг таъмирланишга яроқлигига баҳо берувчи iFixit портали  Microsoft’нинг янги Surface Laptop ноутбукига 10 баллдан 0 балл берди. Мутахассислар ноутбук бузиладиган бўлса, уни корпуси ёки бирор компонентига шикаст етказмасдан таъмирлашнинг иложи йўқлиги ҳақидаги хулосага келишган.

iFixit ходимлари дастлаб ноутбукнинг орқа қопқоғини очишга имкон берувчи бирор бир винтни топишга ҳаракат қилиб кўришган. Мутахассислар винтлар қурилманинг резина оёқчалари тагида бўлса керак, деб ўйлашган. Бироқ у ерда шунчаки металл қўйилмалар бўлган, холос.

Шунда iFixit’да алькантарадан (сунъий замшдан) тайёрланган клавиатура жилдини олишга ҳаракат қилинган, бироқ буни бешикаст қилишнинг иложи бўлмаган. Мутахассислар бунинг учун фендан фойдаланиб кўришган, бироқ у бир неча клавишани эритганигина қолган, холос. Шу босқичдаёқ ноутбукни корпусига бешикаст ҳолда бўлаклашнинг имкони йўқлиги аниқ бўлган. Кўчириб олинган жилдни жойига қайта ёпиштириб қўйиш ёки ундан такроран фойдаланишнинг имкони йўқ.  

Портал мутахассислари охир-оқибат ноутбукнинг ичига етиб боришга муваффақ бўлишганда унинг қисмлари махсус термоҳимоялагичлар билан ёпилгани ва уларни олгандан кейин ортга қайтариб қўйиб бўлмаслигини аниқлашган. 

Бўлаклаш якунлангач, мутахассислар ўз хулосаларини чиқаришган. 

Ноутбук ичини аккумуляторга ёпиштириб қўйилган корпуси ва клавиатурасига катта шикаст етказмаган ҳолда очиб бўлмайди.

Аккумуляторнинг ўзи эса шу тариқа жойланганки, уни алмаштириш учун ноутбукни тўлиқ бўлаклаш керак. Бироқ шундан кейин ҳам батарея корпусга ёпиштириб қўйилганига дуч келинади. Аккумуляторлар сервис марказларига мурожаат қилишга энг кўп сабаблардан бири бўлиши сабабли, бу ноутбукнинг ишлаш муддатини жуда қаттиқ чегаралайди.  

Ноутбукнинг процессор, тезкор хотира ва қаттиқ диски каби асосий қисмлари бош платага қалайлаб қўйилган. Бу эса уларни алмаштириш ёки янгилашни имконсиз қилади. Тезкор хотира ёки SSD билан муаммо чиққанда, бош платани тўлиқ алмаштиришга тўғри келади.

Қулоқчинлар учун мўлжалланган разъёмга (бу модуль ноутбукларда энг кўп ишдан чиқади) совитгич, вентилятор, дисплей ва бош платани ечибгина, етиб бўлади. 

Портал ўзининг 10 баллик таъмирлашга яроқлилик шкаласидан Surface Laptop’га 0 балл берди ва уни таъмирлаш "тунги даҳшат" каби эканлигини қайд қилиб ўтди.

Кун янгиликлари
Ўзбекистон делегацияси Бишкекда, хорижга чиқиш паспорти дараги, лотин ва кирилл машмашаси ҳамда куннинг бошқа хабарлари
20:40 / 16.08.2017 14413 Жаҳон
Соч тўкилиши нега ёшариб кетмоқда – мутахассис жавоб беради
10:01 / 16.08.2017 68199 Жамият
Кун.uz офис изламоқда
15:48 / 06.08.2017 37096 Lifestyle
"Реал" Испания Суперкубоги соҳиби!
04:08 614 Спорт
Қирғизистонлик собиқ депутат Омурбек Текебаевга 8 йиллик қамоқ жазоси берилди
01:27 1015 Жаҳон
Саакашвили Украинага қачон қайтишини маълум қилди 
01:15 1590 Жаҳон
Абдулла Арипов: «Ўзбекистон ва Қирғизистон ҳамкорлигига халақит берувчи тўсиқлар бартараф этилади»
Роналду 5 ўйинга дисквалификация қилингани ҳақида: бунинг отини атайлаб қийнаш дейилади!
01:07 1608 Спорт
Давлат ва ОАВ: ахборот майдонида ҳаммага тенг шароит яратилиши керак
Шерзод Шерматов: "Келгуси йилда тест жавоблари ўша куниёқ эълон қилиниши мумкин"
Кўпроқ янгиликлар