Самарқандлик ёш журналистларга сертификатлар топширилди (фото)

Жамият 19 Июнь 2017 2565

Самарқанд вилоятининг бош нашри — «Зарафшон» газетаси қошида ташкил этилган журналистик маҳорат маркази фаолият бошлаганига ўн йил тўлди. Бу вақт мобайнида марказ журналистикага иштиёқманд икки юздан ортиқ ёшларни тарбиялаб берди. Бугун бу ёшларнинг ўттиздан ортиғи мамлакатнинг турли ҳудудларидаги газета-журналларда, радио-телевидениеда меҳнат қилмоқда.

«Зарафшон» газетаси қошида фаолият кўрсатаётган марказга барча таълим муассасаларида таълим олаётган ёшлардан 20 нафари саралаб олинмоқда. Ёш журналистлар ҳафтанинг икки кунида «Зарафшон» газетаси, қолаверса, Самарқанд вилоятида ОАВларида фаолият кўрсатаётган таниқли журналистлар, ҳуқуқшунослар, тилшунос олимлар томонидан маҳорат сабоқлари олишди.

— Марказда ўқишлари давомида тингловчиларни босмахоналарга, телевидение студиялари, радиога таништириш учун олиб бордик, шунингдек, интернет журналистика сирлари билан яқиндан таништирдик. «Самарқанд китоб олами» маънавий-маърифий марказига саёҳат ташкиллаштирдик, — дейди ўқувчиларнинг устозларидан бири Манноб Ибодуллаев.

«Зарафшон» газетаси ёш журналистлар учун махсус саҳифа ташкил қилиб борилаётгани, бундан ташқари, марказ тингловчиларининг Ziyo номли рамзий газетаси бўлиб, ундаги мақолалар тингловчилар томонидан тайёрлаб келинади.

Ўқувчиларга сертификат топшириш маросимида «Зарафшон» газетаси бош муҳаррири Фармон Тошев сўзга чиқиб, бу йилги тадбир марказнинг ўн биринчи битирувчиларини тақдирлаш маросими бўлаётгани билан ўз сўзини бошлади. 


«Марказ дастлаб ОАВни қўллаб-қувватлаш жамоат фонди гранти асосида бундан ўн йил муқаддам ташкил этилган эса-да, унга қизиқиш шу даражада юқори бўлдики, кейинчалик марказни «Зарафшон» газетаси ҳомийлигида давом эттиришга қарор қилдик. Бу ерда таълим олган иқтидорли ёшларнинг бугунги кунда журналистика ўз ўрнига эга бўлиб бораётганини кўриб, тўғри йўл танлаганимизга амин бўлмоқдамиз», — деди Ф.Тошев.

Шунингдек, сўзга чиққанлардан Ўзбекистон Республикаси Олий Мажлиси Сенати аъзоси Нигора Раббимова, вилоят мусиқали драма театри директори Баҳодир Шаропов, «Паст Дарғом ҳақиқати» газетаси муҳаррири Бахтиёр Шукуров, тожик тилида чоп этилувчи «Овози Самарқанд»газетаси бош муҳаррири Бахтиёр Жумаев сўзга чиқишди ва бу йил марказни битираётган 22 нафар тингловчини табриклашди, уларнинг барчасига курс тингловчиси бўлгани хусусидаги сертификатларни топшириб, келгусидаги ишларида ижодий зафарлар тилашди.

Марказнинг Сирожиддин Халилов, Парвина Тўрақулова каби тинглочилари сўз олиб, уларни ўқитган, касб сирларини ўргатган устозлари Толиб Жўраев, Тоҳир Норқулов, Гулрух Мўминова, Акром Ҳайдаров, Убайдулла Сирожев, Ғолиб Абдусаломов, Манноб Ибодуллаев ва бошқаларга самимий миннатдорчилик билдириб, олқиш ёғдиришди.

Шуҳрат Шокиржонов,
Kun.Uz мухбири.

 

Кун янгиликлари
Судьянинг нохолислиги ёки давлат телеканалининг “шохи” борми?
19:21 / 17.08.2017 95709 Жамият
“Менга ҳаловат йўлини кўрсатинг...”. Тўй қилиб қарзга ботган ота уламоларга юзланди
16:00 / 17.08.2017 46537 Жамият
Хорижга чиқиш учун биометрик паспортнинг амал қилиш муддати неча йил бўлади? 
12:01 / 17.08.2017 51713 Ўзбекистон
Parus оилавий марказида хоррор-квестлар, лазерли отишма ўйини ва бошқа янгиликлар тайёрланди. Марҳамат
10:14 / 17.08.2017 9343 Lifestyle
Давлат ва ОАВ: Ахборот майдонида монополияга чек қўйиш вақти келди
22:00 / 16.08.2017 20139 Ўзбекистон
Яшнободда автомашина эшигини сих орқали очиб, 1500 долларни ўмарган шахс ушланди
02:51 335 Жамият
Самарқандда жисмоний имконияти чекланган ёшлар билан очиқ мулоқот ташкил этилди
02:50 159 Жамият
«Барселона» Ла Лиганинг 1-турида теракт қурбонлари хотираси учун махсус либосда майдонга тушади
01:43 682 Спорт
Оқдарёда электр таъминоти корхонасининг порахўр раҳбари ва таъмагир врач қўлга тушди
01:36 876 Жамият
Бразилия полицияси мавжуд бўлмаган спортчиларда пул қилган гуруҳни аниқлади
00:50 550 Жаҳон
Кўпроқ янгиликлар