Шимолий Корея АҚШни дипломатик почтани ўғирлашда айблади

Жаҳон 19 Июнь 2017 4752
Фото: zn.ua

Шимолий Корея Нью-Йоркдаги Жон Кеннеди аэропортида 16 июнда юз берган воқеа учун АҚШдан расмий тушунтириш беришни талаб қилди. 

Шимолий Корея ташқи ишлар вазирлиги вакилининг 18 июнда чоп этилган баёнотига кўра, ўша куни АҚШ идоралари "Шимолий Кореяга қайтаётган делегациядан дипломатик почта бор бўлган пакетни тортиб олган". Шимолий Корея делегацияси Ногиронлар ҳуқуқлари конвенциясига аъзо давлатларнинг анжуманида иштирок этганди.  

Дипломатнинг таъкидлашича, шу тариқа АҚШ идоралари "ноқонуний ва даҳшатли иғвони амалга оширганлар". Шимолий кореяликнинг маълумотларига кўра, дипломатик курьер сертификатига эга бўлган Шимолий Корея делегацияси аъзоларидан ҳужжатлар тортиб олинаётганда улар қаршилик кўрсатишган. Шу сабабли 20 полициячи ва АҚШ ички хавфсизлиги департаменти ходимларидан иборат гуруҳ шимолий кореяликларга нисбатан куч ишлатган.       

Шимолий Корея ташқи ишлар вазирлиги ҳукумат номидан АҚШ ҳукумати ҳаракатларини қатъий қоралади. Пхеньянда бу ҳаракатлар "мустақил давлат суверенитетини поймол қилиш ва атайлаб уюштирилган иғво" сифатида баҳоланган.  

Шимолий Кореянинг фикрича, АҚШ "бу воқеа туфайли батафсил тушунтириш бериши ва расмий даражада узр сўраши шарт". "Акс ҳолда бу воқеанинг оқибатлари учун бутун жавобгарлик АҚШ зиммасига тушади", деб айтди Шимолий Корея вакили. 

АҚШ ва Шимолий Корея ўртасида дипломатик алоқалар йўқ, Вашингтоннинг Пхеньяндаги манфаатларини Швеция элчихонаси билдиради. Шимолий Корея матбуотида АҚШ "корейс миллатининг ашаддий душмани эканлиги" таъкидлаб турилади.

Кун янгиликлари
IMZO GLASS ойналари қандай қилиб энергияни тежайди?
15:12 / 24.06.2017 8177 Технология
Рамзон Қодиров Саудия Арабистони валиаҳд шаҳзодаси ўзгартирилишига изоҳ берди
23:58 / 24.06.2017 51 Жаҳон
Бизларни бўзлатиб кетар бўлдинг - алвидо... алвидо, эй Рамазон!
23:54 / 24.06.2017 262 Жамият
Лондонда яна турар-жой биноси ёниб кетди
23:26 / 24.06.2017 681 Жаҳон
Интерпол бош котиби дунёни келажакда кутаётган бош хавфлар қайсилар эканини маълум қилди
23:01 / 24.06.2017 4659 Жаҳон
Миср президенти Саудия Арабистонига иккита оролни бериш келишувини имзолади
22:31 / 24.06.2017 2242 Жаҳон
Конфедерациялар Кубоги. Россия курашдан чиқди, Португалия ва Мексика плей-оффда
22:30 / 24.06.2017 3229 Спорт
Тошкентдаги Инҳа университети талабалари ўқишни Жанубий Кореяда давом эттирадилар
22:03 / 24.06.2017 2798 Жамият
Россияликлар Украинага хорижий биопаспортлар бўйича киритиладилар
21:09 / 24.06.2017 2138 Жаҳон
Исроил авиацияси Сурия қўшинларига зарба берди
20:52 / 24.06.2017 7933 Жаҳон
Кўпроқ янгиликлар