Афғонистоннинг Парвон вилоятида жангарилар ҳужуми оқибатида АҚШ ҳарбий базасининг саккиз нафар афғонистонлик соқчиси ҳалок бўлди. Бу ҳақда Ассошиэйтед Пресс агентлиги хабар тарқатди.

Вилоят губернатори вакилининг маълум қилишича, қўриқлаш хизматининг яна икки ходими ҳужум давомида яраланди. Ҳодиса душанба куни Баграм шаҳри туманида юз берган. Губернатор вакили сўзларига кўра, қўриқчилар АҚШ қуролли кучларининг энг йирик авиабазасига ишга кетишаётган вақт ҳужумга дучор бўлишган.

Ҳодиса ўрганилмоқда. Айни дамда ҳеч ким ҳужум учун масъулиятни ўз зиммасига олмади.