АҚШ ҳукумати Россияга қарши санкциялар рўйхатига "Россиянинг Украинадаги ҳаракатлари"га алоқадор бўлган 19 та компания ва 19 нафар шахсни киритди. Бу рўйхат 20 июнда АҚШ молия вазирлигининг сайтида чоп этилди.  

Санкциялар остига Россиянинг "Вагнер" хусусий ҳарбий компанияси, "Путин ошпази" деб эътироф этилувчи ресторатор Евгений Пригожиннинг "Конкорд" компанияси тушган. 

Рўйхатда "Вагнер" билан боғлиқ шахслар ҳақида ҳеч нарса айтилмаган, бироқ унинг раҳбари Дмитрий Уткинга қарши санкциялар киритилган.

Санкциялар рўйхатига, шунингдек, Россия иқтисодий ривожланиш вазири ўринбосари Сергей Назаров, "Волк" қўриқлаш тузилмалари холдинги ҳам киритилган.