Аргентина пойтахти Буэнос-Айресга яқин ерда полиция нацистлар тимсоллари бўлган йирик махфий омборни аниқлашди. У Жанубий Америка давлатида топилган энг йириги, деб ҳисобланмоқда. Бу ҳақда Associated Press хабар берди.

Гап нацистлар билан боғлиқ бўлган тахминан 75 та буюм ҳақида бормоқда. Аргентина ҳукумати тахминича, улар Учинчи рейхнинг юқори лавозимли амалдорларига тегишли бўлган. Топилган нарсалар орасида – фюрер Адольф Ҳитлернинг бюсти бор.

Дастлабки маълумотларга кўра, топилган буюмлар аслдир. Бу ҳақда Аргентина хавфсизлик вазири Патрисия Буллрич таъкидлаб ўтди.

Иккинчи жаҳон урушидан сўнг Учинчи рейхнинг кўзга кўринган вакиллари Лотин Америкаси қирғоқларига етиб бориб, жиноий таъқибдан қочишга муваффақ бўлишди. Хусусан, гап қирғин (холокост) мафкураси раҳнамоси Адольф Эйхман, штандартенфюрер Вальтер Рауфф, Освенцимда маҳбуслар устидан тажрибалар ўтказган доктор Йозеф Менгел ҳақида бормоқда.