Россиянинг Су-27 қирувчиси Американинг жосуслик самолётидан бир ярим метр масофада учиб ўтиб кетди. Бу ҳақда Fox News америкалик амалдорларга асосан хабар берган.

Ҳодиса Болтиқ денгизи осмонида душанба, 19 июнь куни юз берган. Манбалардан бирининг сўзларига кўра, Россиянинг Су-27’ида ракеталар бўлган. У Американинг RC-135 жосуслик самолётига “шиддат” билан яқинлашган ҳамда тахминан 1,5 метрлик масофада ёнидан учиб ўтиб кетган, дея айтди амалдор.

Бошқа манбанинг сўзларига кўра, Россия қирувчиси атайин шундай хатти-ҳаракатни амалга оширган ҳамда “тартибсиз” парвоз қилган.