Украина президенти Пётр Порошенко Америка раҳбари Дональд Трампни АҚШнинг “совуқ уруш” пайтидаги собиқ президенти Рональд Рейганга ўхшатмоқчи бўлди. Порошенко ўзига хос ўхшатиш ҳақида Fox News’га берган интервьюсида маълум қилган.

Украина президентининг таъкидлашича, Рейган “совуқ урушни” биронта ўқ узилмасдан ҳал этишга муваффақ бўлган. У Трамп ҳам шунга ўхшаш тарзда Украинага Россия билан можарода тинчликни тақдим этиши мумкинлигига умид билдирган.

“Ҳақиқий етакчи, кучли шахс менинг давлатимга тинчликни қайтариши мумкин – худди Рейган “совуқ урушда” биронта ўқ узмай ғалаба қозонгандек”, - деди Порошенко.