Россиянинг “Уралмашзавод” компанияси Навоий ТККга кон ускуналарини етказиб бериш бўйича шартнома имзолашни режалаштирмоқда. Бу ҳақда УЗТМ матбуот хизмати хабар берди.

Россия компанияси маълумотларига кўра, НТМК ЭКГ-5А экскаваторини олишни мўлжалламоқда.

«Уралмашзавод» вакили Михаил Гуницевнинг Накануне.ru’га айтишича, Навоий ТКК жорий йилда иккита беш кубли экскаваторни олади, уларни етказиб бериш июнь ва ноябрга режалаштирилган.

Шартнома мўлжалланган ЭКГ-5А машинаси 2018 йилда етказиб берилади. ЭКГ-5А экскаваторнинг нархи 70 млн. рублга тенг, ўзбек кончиларига етказиб бериладиган серияли ЭКГ-18’нинг нархи қарийб 460 млн. рублдир.