Евгений Сисоев: Кибермайдонлар халқаро террорчи ташкилотларнинг ўз мақсадларига эришиш учун қулай имкониятлар яратмоқда

Ўзбекистон 21 Июнь 2017 2854
Евгений Сисоев. Фото: Халқаро пресс-клуб

Минтақавий аксилтеррор тузилма (МААТ) Ижроия қўмитаси директори Евгений Сисоевнинг сўзларига кўра, МААТ Ўзбекистон билан ўзаро ишонч ва ёрдамга асосланган алоқаларни ўрнатган. Бугун Халқаро Пресс-клубда бўлиб ўтган кўп томонлама ҳамкорлик масалаларига бағишланган навбатдаги йиғилишда шу ҳақда маълум қилинди. Тадбирда қатнашган "Кун.уз" мухбири шу ҳақда хабар берди. 

"Минтақавий аксилтеррор тузилма  Ижроия қўмитаси ташкил этилганига 13,5 йил бўлди. Биз Ўзбекистоннинг меҳмондўст заминидаги фаолиятимизни 2004 йилнинг 1 январидан бошлаганмиз. Ўзбек ҳамкасбларимизнинг ғамхўр патронажи остида ўтган йиллар ичида Тошкентда ривожланиш бўйича анча ишлар қилинди, ўз таркибида олти мамлакатнинг махсус органларини бирлаштирувчи ажойиб тузилма 9 июнь куни саккизтага кўпайди. 

Таъкидлаш жоизки, бу вақт ичида жуда кўп ишлар қилинди. Биз халқаро ҳуқуқий база нормативи, шакл ва усуллар, ўзаро ҳамкорлик механизмини ишлаб чиқдик. Менинг нуқтаи назаримга кўра, яна бир муҳим жиҳатлардан бири биз ўзаро ишонч ва ёрдамга асосланган  алоқаларни ўрнатдик", - дейди Сисоев. 

Шунингдек у Минтақавий аксилтеррор тузилмасининг  фаолияти сўнгги йилларда анъанавий кечаётгани, давлат раҳбарлари назорати остида экани ҳамда сўнгги саммитлар доирасида ташкилот фаолиятига ижобий баҳолар берилаётганини қайд этди. 

"Бизнинг фаолиятимиз самарали дея баҳоланмоқда. Ҳар қандай самарали тузилма каби МААТга нисбатан ҳам "яна қандайдир қўшимча вазифа ва муаммоларни ҳал қила оладими, қўшимча ваколатлар бериш керакмикан" деган савол ва таклифлар пайдо бўлади. Бундай таклифлар аввал ҳам ХХР, РФ томонидан МААТни терроризм, уюшган жиноятчилик, наркотрафикка қарши курашувчи кўп тармоқли марказга айлантириш таклифи берилган. Бироқ бу таклифлар ўшанда концептуал жиҳатдан қўллаб-қувватланмаганди. Шавкат Мирзиёевнинг ШҲТда билдирган таклифи ҳам айнан шу тенденция (МААТни қандай ва қайси йўналишда ривожлантириш ва қандай қўшимча масалаларни ҳал қилиши мумкин)га асосланади", - дейди МААТ раҳбари. 

Бундан ташқари Евгений Сисоев замонавий таҳдидлар шароитида асосий масалалардан бири ахборот хавфсизлиги, киберхавфсизлик масаласи эканини таъкидлади. 

"Кибермайдонлар халқаро террорчи ташкилотлар аъзоларининг ўз мақсадларига эришиш учун қулай имкониятлар яратмоқда. Бу йўналишда кўп ишларни амалга оширяпмиз, бу борада ҳамкорлик чора-тадбирлари ишлаб чиқилган. Биз террорчиликка қаршилик қилиш мақсадида аксилтеррор ўқув машқларини ўтказяпмиз. Хитой томон бу масалаларга катта эътибор қаратмоқда ва кўплаб қизиқ таклифлар киритмоқда. Апрель ойида Шанхайда ажойиб семинар бўлиб ўтди. Унда кибертерроризм масаласига бағишланган учрашувлар ўтказилди. Бу мазмунда жаноб Мирзиёевнинг таклифлари жуда ўринли", - қўшимча қилди Е.Сисоев. 

Кун янгиликлари
Ҳурматли абитуриентлар, сизнинг ҳали Олий ўқув юртига ўқишга кириш имкониятингиз бор!
09:55 20300 Lifestyle
Фарғона вилояти ҳокими Сўх тумани, уй-жой муаммоси, табиий газ ва аҳолининг бошқа муаммолари ҳақида (видео)
20:30 / 21.08.2017 23678 Жамият
Artel Technical School «Келажак мактаби» ўқув нархларини пасайтирмоқда!
20:02 / 21.08.2017 12126 Жамият
KUN.UZ хайрия акцияси: Жаҳонгирнинг бир оёғида операция ўтказилди, йигит барчадан миннатдор
19:03 / 21.08.2017 13111 Жамият
Ўзбекистон қачонгача ривожланаётган давлатлар қаторида қолади?
16:20 / 21.08.2017 42391 Ўзбекистон
Ногиронлик ва мазлумлик исканжасида: бир аёл яхшилар саховатидан умидвор 
15:55 / 18.08.2017 53525 Жамият
Кун.uz офис изламоқда
15:48 / 06.08.2017 48049 Lifestyle
ОАВ: Барселонадаги теракт ижрочиси ҳужумдан 4 кун аввал Парижга борган
17:59 297 Жаҳон
Мактаб ва поликлиникалардаги бухгалтериялар қисқартирилади
17:57 752 Жамият
КХДР Гуам оролига уюштириладиган тахминий ҳужум  видеосини тақдим этди
17:55 729 Жаҳон
Кўпроқ янгиликлар