Forbes журналининг "Ҳукумат ва пуллар - 2017. Энг кўп даромад олувчи 50 давлат хизматчиси" рейтинги маълумотларига кўра, Улан-Удэ шаҳар кенгаши депутати ва «Титан» тармоғи раҳбари Вадим Брендний Россиянинг энг бадавлат амалдори ҳисобланади. 

Манбага кўра, ўтган йили Бреднийнинг оилавий даромади 2,8 миллиард рублни ташкил қилган. Бредний ва унинг турмуш ўртоғи тасарруфида 20 дан ортиқ ер участкаси, 5 турар-жой, автомобиллар ва мотор қайиқлари мавжуд. 

Вадим Брендний. Фото: youtube/informpolis

Иккинчи ўринни 2,6 миллиард рубль даромад билан Федерация кенгаши аъзоси ҳамда «Океанрыбфлот» компанияси акционери Валерий Пономарёв эгаллади.

Валерий Пономарёв. Фото: rbc

Рейтингнинг учинчи поғонасида Татаристон Республикаси президенти Рустам Миннихонов номи қайд этилди. Унинг даромади - 2,3 миллиард рубль.

Рустам Миннихонов. Фото: kazanfirst

Forbes'га кўра, рейтингнинг ҳар тўртинчи иштирокчиси Давлат думаси депутати ҳисобланади. 

Нашр экспертлари ҳукуматнинг 400 дан зиёд идоралари ва тузилмалари декларацияларини ўрганиб чиқишди. Рейтинг тузишда давлат хизматчиси, унинг турмуш ўртоғи ва фарзандларининг даромадлари йиғиндиси инобатга олинди.