Fiat компанияси ва Италиядаги Esselunga супермаркетлар тармоғи мижозларга икки кун ичида рекорд миқдорда автомобиль улашди. 48 соат ичида Fiat 500 автомобилларидан деярли 1,5 минг киши олди. Ушбу натижа ҳаттоки Гиннесс рекордлар китобида ҳам қайд қилинди. 

Хэтчбекларнинг мижозларга етказиб берилиши Esselunga танлови доирасида амалга оширилди. Тармоқнинг биринчи дўкони очилганининг 60 йиллиги муносабати билан доимий харидорлар ўртасида 1,5 мингта "Фиат" ўйналди.

Бутун Италиядан ғолиблар Fiat заводига таклиф қилиндилар. Дастлаб у ерда 1520 та автомобиль бериш режалаштирилганди, бироқ 25 киши совғани олиб кетгани келолмаган. 48 соат ичида бир жойнинг ўзида 1495 та машина тарқатилди.

Ушбу машиналар Fiat’нинг дизайн-маркази томондан махсус тайёрланганди. 1,2 литр ҳажм, 69 от кучига эга моторли бу автомобилларнинг кузови ва салони оқ рангда ишланган. Машина 7 та хавфсизлик ёстиқчаси, иқлим-назорати ва Uconnect 5 мультимедиа тизими билан жиҳозланган.