Қашқадарё вилоятининг Китоб тумани Давлат солиқ инспекцияси томонидан тегишли тартибда ўтказилган текширишда якка тартибдаги тадбиркор А.Аҳматбоевнинг фаолияти ўрганилганда, унинг айрим қинғир ишлари очилиб қолди, деб ёзади “Ҳуқуқ” газетаси.

Аниқланишича, А.Аҳматбоев (исм-фамилияси ўзгартирилган) савдодан тушган пулларни назорат-касса машинаси орқали кирим қилмай, 47 млн. 850 минг сўмни банкка топширмасдан импорт қилинган 1 мрлд. 632 млн. 285 минг сўмлик товарларни сотишдан тушган маблағдан 920 млн. 800 минг сўмини Тошкент шаҳридаги банкларга омонат маблағи сифатида топширади. Шу тарзда жами 968 млн. 650 минг сўм миқдорида савдо ва хизмат кўрсатиш қоидаларини бузади. 

Юқоридаги ҳолатлар юзасидан жиноят иши қўзғатилиб, суд кассага эмас, киссага ишлашни одат қилган “тадбиркор”га нисбатан тегишли жазо тайинлади.